مالىك عابدۋللين مۋزەيىنىڭ ۇيىمداستىرۋىمەن تۇركىستان وبلىستىق مادەنيەت باسقارماسىنا قاراستى «ۇلى دالا ەلى» ورتالىعىنىڭ قورىنان جيناقتالعان «ۇلى دالا مۇراسى» اتتى تاريحي-تانىمدىق كورمەسى حالىقارالىق مۋزەيلەر كۇنىنە ارنالدى.
كورمەنىڭ ماقساتى كيەلى تۇركىستان مەن كورىكتى كوكشە ءوڭىرىنىڭ اراسىندا رۋحاني، مəدەني جəنە مۋزەيارالىق قارىم-قاتىناستى نىعايتۋ، ۇلتتىق قۇندىلىقتارىمىز بەن حالقىمىزدىڭ تاريحىن تانىتۋ، مۋزەي قىزمەتى جانە ونداعى جاۋھار جادىگەرلەردى كوكشەتاۋلىقتار مەن قالا قوناقتارىنا كەڭىنەن ناسيحاتتاۋ.
اشىلۋ سالتاناتىندا اقمولا وبلىسى مادەنيەت باسقارماسىنىڭ باسشىسى ايگۇل باۋبەكقىزى ءسابيتوۆا، تۇركىستان وبلىسى مادەنيەت باسقارماسىنىڭ «ۇلى دالا ەلى» ورتالىعىنىڭ عىلىمي قىزمەتكەرى يبراگيموۆا ايجان ءسوز سويلەدى.
مالىك عابدۋللين مۋزەيى مەن «ۇلى دالا ەلى» ورتالىعى ءوزارا تاجىريبە الماسۋ، وڭىرارالىق ارىپتەستىكتى، رۋحاني-مادەني شىعارماشىلىقتى نىعايتۋ ماقساتىندا ىنتىماقتاستىق مەموراندۋمىنا قول قويىپ، قۇجاتتار الماستى.
«ۇلى دالا مۇراسى» اتتى تاريحي-تانىمدىق جىلجىمالى كورمەسىن ەكسكۋرسوۆود يمانباەۆا قاراشاش تانىستىردى.
كورەرەمەن نازارىنا قازاق حاندىعى ءداۋىرىن سيپاتتايتىن جالپى سانى 30-عا جۋىق تاريحي ماڭىزى بار جادىگەرلەر ۇسىنىلدى.
كورمەدەگى تاريحي ماڭىزدى، قۇندى جادىگەرلەردىڭ ءبىر پاراسى تاسقا قاشالعان، كىرپىشكە كۇيدىرىلگەن، اعاشقا ويىلىپ ساق، رۋنا، اراب، لاتىن قارىپتەرىندە جازىلعان حاتتار.
تاريحي-تانىمدىق كورمەنى تاماشالاعان قوناقتارىمىز تاريحشى، ش.ءۋاليحانوۆ اتىنداعى كوكشەتاۋ ۋنيۆەرسيتەتىنىڭ ۇستازدارى تاريح عىلىمدارىنىڭ كانديداتى اماناي سەيتقاسىموۆ، فيلولوگيا عىلىمدارىنىڭ دوكتورى ايان قاجىباي، اقمولا وبلىستىق تاريحي ولكەتانۋ مۋزەيىنىڭ ديرەكتورى قۇدايبەرلى مىرزابەك، ءتىل جاناشىرى قاراتاي تولەكەەۆ كورمە تۋرالى وي پىكىرلەرىن ءبىلدىرىپ، تۇركىستان مەن كوكشەتاۋ ەلىنىڭ تاريحي، رۋحاني بايلانىستارىنا توقتالىپ، تاريحي-تاعلىمدىق كورمەنىڭ كورەرمەن ءۇشىن ماڭىزدى ەكەنىن ەرەكشە اتاپ ءوتتى.
ش.ءۋاليحانوۆ اتىنداعى كوكشەتاۋ ۋنيۆەرسيتەتى، اباي مىرزاحمەتوۆ اتىنداعى كوكشەتاۋ ۋنيۆەرسيتەتى، جانايدار مۋسين اتىنداعى قازاق پەداگوگيكالىق كوللەدجىنىڭ ستۋدەنت جاستارى، مالىك عابدۋللين اتىنداعى ازاماتتىق قورعاۋ اكادەمياسىنىڭ تىڭداۋشىلارى مەن قالا قوناقتارى «ۇلى دالا مۇراسى» اتتى تاعىلىمى مول كورمەنى تاماشالادى.
