Málik Ǵabdýllın mýzeıiniń uıymdastyrýymen Túrkistan oblystyq mádenıet basqarmasyna qarasty «Uly Dala Eli» ortalyǵynyń qorynan jınaqtalǵan «Uly dala murasy» atty tarıhı-tanymdyq kórmesi halyqaralyq mýzeıler kúnine arnaldy.
Kórmeniń maqsaty kıeli Túrkistan men kórikti Kókshe óńiriniń arasynda rýhanı, mədenı jəne mýzeıaralyq qarym-qatynasty nyǵaıtý, ulttyq qundylyqtarymyz ben halqymyzdyń tarıhyn tanytý, mýzeı qyzmeti jáne ondaǵy jaýhar jádigerlerdi kókshetaýlyqtar men qala qonaqtaryna keńinen nasıhattaý.
Ashylý saltanatynda Aqmola oblysy mádenıet basqarmasynyń basshysy Aıgúl Baýbekqyzy Sábıtova, Túrkistan oblysy mádenıet basqarmasynyń «Uly Dala Eli» ortalyǵynyń ǵylymı qyzmetkeri Ibragımova Aıjan sóz sóıledi.
Málik Ǵabdýllın mýzeıi men «Uly dala eli» ortalyǵy ózara tájirıbe almasý, óńiraralyq áriptestikti, rýhanı-mádenı shyǵarmashylyqty nyǵaıtý maqsatynda yntymaqtastyq memorandýmyna qol qoıyp, qujattar almasty.
«Uly dala murasy» atty tarıhı-tanymdyq jyljymaly kórmesin ekskýrsovod Imanbaeva Qarashash tanystyrdy.
Kóreremen nazaryna Qazaq handyǵy dáýirin sıpattaıtyn jalpy sany 30-ǵa jýyq tarıhı mańyzy bar jádigerler usynyldy.
Kórmedegi tarıhı mańyzdy, qundy jádigerlerdiń bir parasy tasqa qashalǵan, kirpishke kúıdirilgen, aǵashqa oıylyp saq, rýna, arab, latyn qaripterinde jazylǵan hattar.
Tarıhı-tanymdyq kórmeni tamashalaǵan qonaqtarymyz tarıhshy, Sh.Ýálıhanov atyndaǵy Kókshetaý ýnıversıtetiniń ustazdary tarıh ǵylymdarynyń kandıdaty Amanaı Seıtqasymov, fılologııa ǵylymdarynyń doktory Aıan Qajybaı, Aqmola oblystyq tarıhı ólketaný mýzeıiniń dırektory Qudaıberli Myrzabek, til janashyry Qarataı Tólekeev kórme týraly oı pikirlerin bildirip, Túrkistan men Kókshetaý eliniń tarıhı, rýhanı baılanystaryna toqtalyp, tarıhı-taǵlymdyq kórmeniń kórermen úshin mańyzdy ekenin erekshe atap ótti.
Sh.Ýálıhanov atyndaǵy Kókshetaý ýnıversıteti, Abaı Myrzahmetov atyndaǵy Kókshetaý ýnıversıteti, Janaıdar Mýsın atyndaǵy qazaq pedagogıkalyq kolledjiniń stýdent jastary, Málik Ǵabdýllın atyndaǵy azamattyq qorǵaý akademııasynyń tyńdaýshylary men qala qonaqtary «Uly dala murasy» atty taǵylymy mol kórmeni tamashalady.
