ماڭعىستاۋ وبلىسىنىڭ اكىمى قىزمەتىنە نۇرداۋلەت قيلىباي تاعايىندالدى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
"نۇرداۋلەت يگىلىكۇلى قيلىباي ماڭعىستاۋ وبلىسىنىڭ اكىمى لاۋازىمىنا تاعايىندالسىن", - دەلىنگەن جارلىقتا.
ول مەملەكەت باسشىسىنىڭ جارلىعىمەن قىزمەتىنەن بوساتىلعان نۇرلان نوعاەۆتىڭ ورنىنا كەلىپ وتىر.
بۇعان دەيىن نۇرداۋلەت قيلىباي 2018 جىلدان 2020 جىلعا دەيىن جانە 2022 جىلدىڭ قازانىنان 2023 جىلدىڭ قاڭتارىنا دەيىن ماڭعىستاۋ وبلىسى اكىمىنىڭ ورىنباسارى قىزمەتىن اتقاردى.
ال 2020 جىلدىڭ ماۋسىمىنان 2022 جىلدىڭ قازانىنا دەيىن اقتاۋ قالاسىنىڭ اكىمى بولعان.
نۇرداۋلەت قيلىباي قازاق كولىك جانە كوممۋنيكاتسيا اكادەمياسىن جانە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىن "تەمىر جول كولىگىمەن تاسىمالداۋدى ۇيىمداستىرۋ" جانە "قارجى جانە قارجى قۇقىعى" ماماندىقتارى بويىنشا ءبىلىم العان.
ەڭبەك جولىن 1999 جىلى اتىراۋ تاسىمالداۋ بولىمشەسىنىڭ ستانتسيالارى بويىنشا كەزەكشى بولىپ باستاعان.
2000 جىلدان 2002 جىلعا دەيىن – "استانا"ستانتسياسىنىڭ كىرمە جولدارى بويىنشا جۇكتەردى قابىلداپ-تاپسىرۋشى، اعا قابىلداپ-تاپسىرۋشى بولدى.
2002 جىلدان 2005 جىلعا دەيىن "قازاقستان تەمىر جولى ۇلتتىق كومپانياسى" اق ماگيسترالدىق جەلى ديرەكتسياسىنىڭ باس مامانى، ءبولىم باستىعى قىزمەتىن اتقاردى.
2005 جىلدان 2009 جىلعا دەيىن – قازاقستان رەسپۋبليكاسى كولىك جانە كوممۋنيكاتسيا مينيسترلىگى ەكونوميكا جانە تاريفتىك ساياسات، تەمىرجول كولىگى باسقارمالارىنىڭ باستىعى، كولىك جانە قاتىناس جولدارى كوميتەتى توراعاسىنىڭ ورىنباسارى بولدى.
2009 جىلدان 2010 جىلعا دەيىن – "ۆوكزال سەرۆيس" اق پرەزيدەنتى، "قازاقستان تەمىر جولى "ۇلتتىق كومپانياسى" اق جولاۋشىلار تاسىمالى جونىندەگى باسقارۋشى ديرەكتورى.
2010 جىلدان 2011 جىلعا دەيىن قازاقستان رەسپۋبليكاسى كولىك جانە كوممۋنيكاتسيالار مينيسترلىگى كولىك جانە قاتىناس جولدارى كوميتەتىنىڭ توراعاسى.
2011-2012 جىلدارى – "قازاقستان تەمىر جولى "ۇلتتىق كومپانياسى" اق پرەزيدەنتىنىڭ كەڭەسشىسى، "قازاقستان تەمىر جولى "ۇلتتىق كومپانياسى" اق – "ماڭعىستاۋ جول بولىمشەسى" فيليالىنىڭ ديرەكتورى. 2012 جىلى قازاقستان رەسپۋبليكاسى كولىك جانە كوممۋنيكاتسيالار مينيسترلىگىنىڭ كولىك جانە كوممۋنيكاتسيالار قاتىناستار جولدارى كوميتەتىنىڭ توراعاسى بولىپ تاعايىندالدى.
2013 جىلدان 2017 جىلعا دەيىن – "قتج "ۇك" اق باسقارۋشى ديرەكتورى-اپپارات باسشىسى، "جولاۋشىلار تاسىمالى" اق باسقارما توراعاسى.
2017 جىلدان 2018 جىلعا دەيىن – "تەمىرجولسۋ" اكتسيونەرلىك قوعامىنىڭ پرەزيدەنتى، باس ديرەكتورى – "تەمىرجولسۋ"اق باسقارما توراعاسى.
