Maŋǧystau oblysynyŋ äkımı qyzmetıne Nūrdäulet Qilybai taǧaiyndaldy. Būl turaly Aqorda mälımdedı, dep habarlaidy “Adyrna” ūlttyq portaly.
"Nūrdäulet İgılıkūly Qilybai Maŋǧystau oblysynyŋ äkımı lauazymyna taǧaiyndalsyn", - delıngen jarlyqta.
Ol memleket basşysynyŋ jarlyǧymen qyzmetınen bosatylǧan Nūrlan Noǧaevtyŋ ornyna kelıp otyr.
Būǧan deiın Nūrdäulet Qilybai 2018 jyldan 2020 jylǧa deiın jäne 2022 jyldyŋ qazanynan 2023 jyldyŋ qaŋtaryna deiın Maŋǧystau oblysy äkımınıŋ orynbasary qyzmetın atqardy.
Al 2020 jyldyŋ mausymynan 2022 jyldyŋ qazanyna deiın Aqtau qalasynyŋ äkımı bolǧan.
Nūrdäulet Qilybai Qazaq kölık jäne kommunikasiia akademiiasyn jäne L.Gumilev atyndaǧy Euraziia ūlttyq universitetın "Temır jol kölıgımen tasymaldaudy ūiymdastyru" jäne "Qarjy jäne qarjy qūqyǧy" mamandyqtary boiynşa bılım alǧan.
Eŋbek jolyn 1999 jyly Atyrau tasymaldau bölımşesınıŋ stansiialary boiynşa kezekşı bolyp bastaǧan.
2000 jyldan 2002 jylǧa deiın – "Astana"stansiiasynyŋ kırme joldary boiynşa jükterdı qabyldap-tapsyruşy, aǧa qabyldap-tapsyruşy boldy.
2002 jyldan 2005 jylǧa deiın "Qazaqstan Temır Joly Ūlttyq kompaniiasy" AQ Magistraldyq jelı direksiiasynyŋ bas mamany, bölım bastyǧy qyzmetın atqardy.
2005 jyldan 2009 jylǧa deiın – Qazaqstan Respublikasy Kölık jäne kommunikasiia ministrlıgı Ekonomika jäne tariftık saiasat, temırjol kölıgı basqarmalarynyŋ bastyǧy, Kölık jäne qatynas joldary komitetı töraǧasynyŋ orynbasary boldy.
2009 jyldan 2010 jylǧa deiın – "Vokzal Servis" AQ prezidentı, "Qazaqstan Temır Joly "Ūlttyq kompaniiasy" AQ Jolauşylar tasymaly jönındegı basqaruşy direktory.
2010 jyldan 2011 jylǧa deiın Qazaqstan Respublikasy Kölık jäne kommunikasiialar ministrlıgı Kölık jäne qatynas joldary komitetınıŋ töraǧasy.
2011-2012 jyldary – "Qazaqstan Temır Joly "ūlttyq kompaniiasy" AQ prezidentınıŋ keŋesşısı, "Qazaqstan Temır Joly "Ūlttyq kompaniiasy" AQ – "Maŋǧystau jol bölımşesı" filialynyŋ direktory. 2012 jyly Qazaqstan Respublikasy Kölık jäne kommunikasiialar ministrlıgınıŋ Kölık jäne kommunikasiialar qatynastar joldary komitetınıŋ töraǧasy bolyp taǧaiyndaldy.
2013 jyldan 2017 jylǧa deiın – "QTJ "ŪK" AQ Basqaruşy direktory-apparat basşysy, "Jolauşylar tasymaly" AQ basqarma töraǧasy.
2017 jyldan 2018 jylǧa deiın – "Temırjolsu" aksionerlık qoǧamynyŋ prezidentı, bas direktory – "Temırjolsu"AQ basqarma töraǧasy.
