مينيسترلىك قازاقستاندىقتارعا ينتەرنەت شەكتەلەتىنىن ەسكەرتتى

1999
Adyrna.kz Telegram

ينتەرنەتتىڭ شەكتەلۋى تسيفرلىق دامۋ مينيسترلىگى جۇرگىزىپ جاتقان تەحنيكالىق جۇمىستارمەن بايلانىستى نۇر-سۇلتان قالاسىنىڭ تۇرعىندارى كەيبىر ينتەرنەت رەسۋرستارعا كىرە الماۋى مۇمكىن. بۇل تۋرالى قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى حابارلادى.

قۇزىرلى مەملەكەتتىك ورگاندار ەلوردانىڭ بايلانىس وپەراتورلارىمەن بىرلەسىپ، تەحنيكالىق جۇمىستار جۇرگىزىپ جاتىر. مينيسترلىكتىڭ اقپاراتىنشا، بۇل قالا تۇرعىندارىن، مەملەكەتتىك ورگاندار مەن جەكەمەنشىك كومپانيالاردى حاكەرلىك شابۋىلدان، ينتەرنەت-الاياقتار مەن ءتۇرلى كيبەرقاۋىپتەن قورعاۋ ءۇشىن قاجەت. وسىعان بايلانىستى ەلوردالىقتار كەيبىر ينتەرنەت رەسۋرستارعا كىرە الماۋى مۇمكىن.

"جەكەلەگەن ينتەرنەت-رەسۋرستارعا كىرۋ مۇمكىن بولماعان جاعدايدا، ءموبيلدى قۇرىلعىنىڭ (ۇيالى تەلەفون، پلانشەت) تىركەلىپ-تىركەلمەگەنىن تەكسەرۋدى جانە قاۋىپسىزدىك سەرتيفيكاتىن (بايلانىس وپەراتورلارىنىڭ سايتىندا ورنالاستىرىلعان) ورناتۋدى ۇسىنامىز. سونداي-اق، ءوز بايلانىس وپەراتورىڭىزدىڭ call-ورتالىعىنا حابارلاسۋىڭىزعا بولادى. ۋاقىتشا قولايسىزدىقتار ءۇشىن كەشىرىم سۇرايمىز", - دەلىنگەن حابارلامادا.

ايتا كەتسەك، قازاقستاندىقتار الەۋمەتتىك جەلىلەردىڭ بۇعاتتالۋى مەن ۇيالى بايلانىستىڭ ساپاسىنا ءجيى شاعىمدانادى.

"ادىرنا" ۇلتتىق پورتالى

پىكىرلەر