لوندون وليمپياداسىنىڭ چەمپيونى گولوۆكينمەن جەكپە-جەك وتكىزبەك

2643
Adyrna.kz Telegram

2012 جىلعى لوندون وليمپياداسىنىڭ چەمپيونى، جاقىندا عانا ورتا سالماقتا WBA بەلبەۋىن قايتارىپ العان ريوتا مۋراتا ديۆيزيون كوشباسشىسى قازاقستاندىق گەننادي گولوۆكينمەن جەكپە-جەك وتكىزۋگە نيەتتى. بۇل تۋرالى جاپون بوكسشىسىنىڭ پروموۋتەرى بوب ارۋم ايتتى، - دەپ حابارلايدى Vesti.kz.

ارۋمنىڭ ايتۋىنشا، مۋراتا ورتا سالماقتا مەگافايت وتكىزۋدى قالايدى، سوندىقتان كەلەسى قارسىلاسىن تابا الماي جۇرگەن گولوۆكين جانە مەكسيكالىق ساۋل الۆارەسپەن جەكپە-جەك وتكىزۋدى جوسپارلاپ ءجۇر.  ال گولوۆكين "كانەلونى" قىركۇيەكتە تريلوگيا وتكىزۋگە شاقىرعان، بىراق مەكسيكالىق بوكسشى ودان باس تارتقان بولاتىن. ونىڭ ورنىنا الۆارەس WBO-نىڭ ءارتۇرلى سالماقتاعى ءۇش چەمپيونىنا ۇسىنىس جاساعان ەدى. ايتا كەتەيىك، مۋراتا 12 شىلدەدە امەريكالىق روب برانتتى نوكاۋتپەن جەڭىپ، WBA بەلبەۋىن قايتارىپ العان بولاتىن. وسىلايشا، جاپون بوكسشىسى بىلتىر كۇزدە برانتتا كەتكەن ەسەسىن قايتاردى - ول كەزدە امەريكالىق بوكسشى تورەشىلەر شەشىمىمەن جەڭىسكە جەتكەن ەدى.

 

"ادىرنا" ۇلتتىق پورتالى

پىكىرلەر