2012 jylǵy London Olımpıadasynyń chempıony, jaqynda ǵana orta salmaqta WBA belbeýin qaıtaryp alǵan Rıota Mýrata dıvızıon kóshbasshysy qazaqstandyq Gennadıı Golovkınmen jekpe-jek ótkizýge nıetti. Bul týraly japon boksshysynyń promoýteri Bob Arým aıtty, - dep habarlaıdy Vesti.kz.
Arýmnyń aıtýynsha, Mýrata orta salmaqta megafaıt ótkizýdi qalaıdy, sondyqtan kelesi qarsylasyn taba almaı júrgen Golovkın jáne meksıkalyq Saýl Alvarespen jekpe-jek ótkizýdi josparlap júr. Al Golovkın "Kanelony" qyrkúıekte trılogııa ótkizýge shaqyrǵan, biraq meksıkalyq boksshy odan bas tartqan bolatyn. Onyń ornyna Alvares WBO-nyń ártúrli salmaqtaǵy úsh chempıonyna usynys jasaǵan edi. Aıta keteıik, Mýrata 12 shildede amerıkalyq Rob Brantty nokaýtpen jeńip, WBA belbeýin qaıtaryp alǵan bolatyn. Osylaısha, japon boksshysy byltyr kúzde Brantta ketken esesin qaıtardy - ol kezde amerıkalyq boksshy tóreshiler sheshimimen jeńiske jetken edi.
"Adyrna" ulttyq portaly
