تۋريزم جانە سپورت ءمينيسترى وتباسىنىڭ بيزنەسى بار ەكەنىن راستادى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
مينيستر ەرمەك مارجىقپاەۆ جۋرناليستەرگە بەرگەن جاۋابىندا وتباسىلىق بيزنەستىڭ مينيسترلىك قىزمەتىنە ەش قاتىسى جوق ەكەنىن ايتتى.
ء"يا، وزدەرىڭىز جاقسى بىلەسىزدەر، ءبىزدىڭ وتباسىمىز بيزنەسپەن اينالىسادى. بىراق ونىڭ تۋريزم جانە سپورت مينيسترلىگىنە ەش قاتىسى جوق. مەملەكەتتىك قىزمەتكە كەلگەنگە دەيىن 2008 جىلعا دەيىن كاسىپكەرلىكپەن اينالىستىق. كەلەر جىلى بۇل كاسىپورىنعا 30 جىل تولادى. بۇل كاسىپورىن مەن مەملەكەتتىك قىزمەتكە كەلگەنگە دەيىن وركەندەگەن بولاتىن", - دەدى مينيستر.
سونداي-اق، باق وكىلدەرى ءمينيستردىڭ ايەلى بۋرابايداعى قوناقۇيلەر جەلىسىن يەلەنەتىن "بەرەكە-بۋراباي" جشس قۇرىلتايشىسى ەكەنىندە اتاپ ءوتتى.
"مينيستر مەن وندا ورنالاسقان شاعىن قوناقۇيلەر اراسىندا قانداي مۇددەلەر قايشىلىعى بولۋى مۇمكىن؟ مۇنى قالاي ەلەستەتۋگە بولادى؟ بۇل سۇراق مەزگىل-مەزگىل قويىلادى، بىراق مەن تۋريزم جانە سپورت مينيسترلىگى مەن سول نىسانداردى قالاي بايلانىستىرۋعا بولاتىنىن تۇسىنبەيمىن. ەشقانداي مۇددەلەر قايشىلىعى جوق.
