قازاقستاندىق ءجاسوسپىرىم الەم چەمپيوناتىندا التىن مەدالدى جەڭىپ الدى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
كلاسسيكالىق شاحماتتان وقۋشىلار اراسىندا پەرۋ استاناسىندا وتكەن 2024 جىلعى الەم چەمپيوناتىندا استانالىق ايارۋ التىنبەك 13 جاسقا دەيىنگى وقۋشىلار اراسىندا جەڭىمپاز اتاندى.
ول ەلورداداعى №9 «زەردە» مامانداندىرىلعان ليتسەيىنىڭ وقۋشىسى. ايارۋ جارىستىڭ اياقتالۋىنا ءبىر تۋر قالعاندا، مەرزىمىنەن بۇرىن جەڭىسكە جەتتى.
«ەڭ جوعارى رەيتينگتىك ۇپايى (1868) بار شاحماتشى سوڭعى تۋردى ءساتتى اياقتاپ، 9 پارتيادان 8,5 ۇپاي جينادى. ءسويتىپ، كۇمىس جۇلدەگەردەن 1,5 ۇپايعا ۇزاپ كەتتى. ايارۋ قازىرگى كەزدە گروسسمەيستەر انتون فيليپپوۆپەن بىرگە جاتتىعادى»، - دەدى قازاقستان شاحمات فەدەراتسياسىنىڭ ءباسپاسوز قىزمەتى.
1 مامىر كۇنى اشىلۋى وتكەن چەمپيوناتقا پەرۋ، قازاقستان، ەكۆادور، بوليۆيا، مەكسيكا، كولۋمبيا جانە موڭعوليانى قوسقاندا، 26 ەلدەن 1174 جاس شاحماتشى قاتىستى.
بۇگىندە جەڭىمپازدىڭ 6-سىنىپتىڭ ۇزدىك وقۋشىسى ەكەنى انىقتالدى.
