كوكشەتاۋدا مادەنيەت ۇيىمدارىنىڭ قىزمەتكەرلەرى “تازا قازاقستان” رەسپۋبليكالىق ەكولوگيالىق اكتسياسىنا ءوز ۇلەستەرىن قوسىپ، 20 الما اعاشىن وتىرعىزدى. شاراعا كوكشەتاۋداعى ەكى تەاتر، فيلارمونيا، “كوكشەتاۋ” مادەنيەت ءۇيى، وبلىستىق حالىق شىعارماشىلىق جانە مادەني دەمالىس ورتالىعى، كىتاپحانالار، مۇراجايلار ءتازىردى بارلىعى 11 مادەنيەت مەكەمەسىنىڭ قىزمەتكەرلەرى قاتىستى. ولاردىڭ قاتارىندا ەڭبەك سىڭىرگەن مادەنيەت قىزمەتكەرلەرى، ديريجەرلەر، ۆوكاليستەر، كىتاپحاناشىلار، مۇراجاي قىزمەتكەرلەرى بار.
“اقمولا وبلىسىنىڭ مادەنيەت مەكەمەلەرى قاسىم-جومارت توقاەۆتىڭ باستاماسىمەن قولعا الىنعان “تازا قازاقستان” ەكولوگيالىق اكتسياسىن قولدادى. جەڭىس كۇنىنە ورايلاستىرىلعان بۇل يگى شارانىڭ ماڭىزى زور. ەندى كوكشەتاۋدا مادەنيەت جانە ونەر قايراتكەرلەرىنىڭ ءوز اللەياسى بولادى. الداعى ۋاقىتتا اقىندار اللەياسىن اشۋ جوسپاردا بار. اللەياداعى ءار ءبىر اعاشتىڭ جانىنا قالاداعى مادەنيەت جانە ونەر قايراتكەرلەرىنىڭ ەسىمدەرى مەن ۇيىمداردىڭ اتاۋى جازىلعان تاقتايشا قويامىز، - دەدى باسقارما باسشىسى ايگۇل ءسابيتوۆا.
ايتۋىنشا، جەڭىس كۇنىنە وراي، وتىرعىزىلعان 20 الما اعاشىن كۇتىپ، ۇستاۋ دا ەرەكشە باقىلاۋدا بولادى.
