Kókshetaýda mádenıet uıymdarynyń qyzmetkerleri “Taza Qazaqstan” respýblıkalyq ekologııalyq akııasyna óz úlesterin qosyp, 20 alma aǵashyn otyrǵyzdy. Sharaǵa Kókshetaýdaǵy eki teatr, fılarmonııa, “Kókshetaý” mádenıet úıi, oblystyq halyq shyǵarmashylyq jáne mádenı demalys ortalyǵy, kitaphanalar, murajaılar tázirdi barlyǵy 11 mádenıet mekemesiniń qyzmetkerleri qatysty. Olardyń qatarynda eńbek sińirgen mádenıet qyzmetkerleri, dırıjerler, vokalıster, kitaphanashylar, murajaı qyzmetkerleri bar.
“Aqmola oblysynyń mádenıet mekemeleri Qasym-Jomart Toqaevtyń bastamasymen qolǵa alynǵan “Taza Qazaqstan” ekologııalyq akııasyn qoldady. Jeńis kúnine oraılastyrylǵan bul ıgi sharanyń mańyzy zor. Endi Kókshetaýda mádenıet jáne óner qaıratkerleriniń óz alleıasy bolady. Aldaǵy ýaqytta aqyndar alleıasyn ashý josparda bar. Alleıadaǵy ár bir aǵashtyń janyna qaladaǵy mádenıet jáne óner qaıratkerleriniń esimderi men uıymdardyń ataýy jazylǵan taqtaısha qoıamyz, - dedi basqarma basshysy Aıgúl Sábıtova.
Aıtýynsha, Jeńis kúnine oraı, otyrǵyzylǵan 20 alma aǵashyn kútip, ustaý da erekshe baqylaýda bolady.