"وقيعانىڭ سالدارى وتە اۋىر. بۇل تۋرالى ايتىپ تا كەرەك ەمەس. قازىر ءبىز وسى سالداردى جويۋعا بار كۇش-جىگەرىمىزدى جۇمسادىق. ارينە، قالانىڭ باسىم بولىگى جارامسىز قالدى. قازىر تەرگەۋ بويىنشا ارنايى كوميسسيا جۇمىس ىستەپ جاتىر. پرەزيدەنت اكىمشىلىگى كوميسسياسى جۇمىسىنىڭ قورىتىندىسى بويىنشا قاۋىپسىزدىك كەڭەسىنە بارلىق كىنالىلەردى قاتاڭ جازالاۋ جونىندە ۇسىنىستار ەنگىزگەنى ءجون. ونىڭ ىشىندە اسا قاۋىپتى وبەكتىلەرگە تىكەلەي جاقىن جەردە قۇرىلىس سالۋعا جاۋاپسىز رۇقسات بەرگەن ازاماتتىق مەملەكەتتىك قىزمەتشىلەر دە بار. بۇل جۇمىستى شۇعىل جۇرگىزۋ كەرەك، 10 تامىزعا دەيىن ءتيىستى ۇسىنىستار بەرىڭىز. بارلىق كىنالىلەر قاتاڭ جاۋاپكەرشىلىككە تارتىلۋى ءتيىس جانە جازالانۋى كەرەك", - دەپ تاپسىردى توقاەۆ. ول قورعانىس مينيسترلىگى باسقا دا ۇقساس وبەكتىلەر بويىنشا ەگجەي-تەگجەيلى تالداۋ جۇرگىزۋى ءتيىس ەكەنىن اتاپ ءوتتى. "تالداۋ قورىتىندىسى بويىنشا اقپاراتتى 20 تامىزعا دەيىن ەنگىزسىن. بۇل وقيعا جۇمىلدىرۋ دايىندىعىن ۇيىمداستىرۋداعى كەمشىلىكتەردى، توتەنشە جاعدايلاردى جويۋ بويىنشا شارالاردى جوسپارلاۋداعى جانە ۇيىمداستىرۋداعى كەمشىلىكتەردى كورسەتتى. وسى وقيعادان ساباق الۋ كەرەك. مۇنداي جاعدايلار قايتالانباۋى ءتيىس. ۇكىمەتكە توتەنشە جاعدايلاردىڭ الدىن الۋعا جانە ولاردى جويۋعا جاۋاپتى قىزمەتتەردىڭ فۋنكتسيونالدىق دايىندىعى مەن تيىمدىلىگىن ارتتىرۋ جونىندەگى ماسەلەنى قاراۋى كەرەك. ءتيىستى ۇسىنىستار ءبىر اي مەرزىمدە ەنگىزىلۋى ءتيىس", - دەدى قاسىم-جومارت توقاەۆ. پرەزيدەنت جارىلىس سالدارىن جويۋ جونىندەگى بارلىق جۇمىس ونىڭ جەكە باقىلاۋىندا بولاتىنىن اتاپ ءوتتى.
"ادىرنا" ۇلتتىق پورتالى
