تەمىردەي ءتəرتىپتى ءسۇيتىن، ءوزى ەرىنبەي ەڭبەك ەتەتىن، تاپسىرمانىڭ ورىندالۋىن قاتاڭ تالاپ ەتەتىن باسشى جۇرتتىڭ بəرىنە بىردەي ۇناي بەرمەسى ايان. 20 عاسىردىڭ 70 جىلدارى جاريالىلىق دەگەن جەلەكپە ناۋقان باستالىپ، باسىنى ۇجىمنىڭ ءوزى سايلايتىن، جۇمىسىنىڭ باعاسىن əرىپتەستەرى بەرەتىن بولعاندا ماقتاۋلى مىنەزدەمە الا الماي ەرجۇمان وتەشۇلىنىڭ ەڭسەسى ءبىراز تۇسەدى.
سونىڭ نəتيجەسىندە 1979 جىلدان باستاپ رەسپۋبليكالىق «لەنينشىل جاس» گازەتىندە رەداكتوردىڭ ورىنباسارى بولعان ەرجۇمان سمايىل 1987 جىلى «سوتسياليستىك قازاقستان» گازەتىنىڭ رەداكتسياسىنا قايتىپ ورالادى. ەندىگىدە اتقاراتىن قىزمەتى – پارتيا تۇرمىسىنىڭ مەڭگەرۋشىسى. بۇل كەزدە باسشى كادرلار وزىنە رەزەرۆ دايارلاۋى كەرەك دەگەن تاعى ءبىر باستاما شاڭ بەرگەن بولاتىن. Əر باسشى وزىنە 3 ادامدنان ءىزباسار əزىرلەپ، ولاردىڭ باس-باسىنا مىنەزدەمە بەرىپ، ونى ورتالىق پارتيا كوميتەتىنىڭ بيۋروسىنا بەكىتىپ الۋعا ءتيىس بولدى. سونىڭ كەزەگى سارباس اقتاەۆقا كەلگەندە ول باسىلىم باسشىسىنىڭ ءبىرىنشى ورىنباسارى رەتىندە ساۋىتبەك Əبدراحمانوۆ، ەرجۇمان سمايىل جəنە قادىر Əلىمقۇلوۆتى تاڭداپ، سولاردىڭ مىنەزدەمەسىن بيۋرودا بەكىتتىردى. كوپ ۇزاماي، ەرجۇمان سمايىل باس رەداكتوردىڭ يدەولوگيا جونىندەگى ورىنباسارى بولدى.
شيرەك عاسىرعا تاياعان ءومىرىن وسى گازەتكە ارنادى. كەلگەن جىلىنان باستاپ 20 جىل بويى گازەتتە ءبولىم مەڭگەرۋشىسى، رەداكتوردىڭ ورىنباسارى سياقتى قىزمەتتەردە بولدى. باس باسىلىمنىڭ ۇجىمىن اشسا الاقانىندا، جۇمسا جۇدىرىعىندا ۇستاپ، گازەتتىڭ مەرەيىن اسىرىپ، مəرتەبەسىن كوتەرۋگە جان اياماي اتسالىستى. اراسىندا ءبىر جارىم جىلداي ءبىرىنشى باسشى دا بولدى. 1998 جىلى باس رەداكتور بولىپ تاعايىندالدى. 2003-2004 جىلدارى بولسا «ەگەمەن قازاقستان» رەسپۋبليكالىق گازەتى» اكتسيونەرلىك قوعامى پرەزيدەنتى، كەيىننەن ۆيتسە-پرەزيدەنتى بولدى.
25 جىل بويى باس گازەتتىڭ اتاق-ابىرويى ءۇشىن باسپا جولىنىڭ ىستىعى مەن سۋىعىن كەشكەن، ءوزى عانا ەمەس، وزگەنى دە سولاي تəربيەلەگەن ەرجۇمان وتەشۇلى سياقتى الىپ ەر تۇرعا كەمدە-كەم.
بەكزات تۋلەپبەرگەنوۆ