ەرجۇمان سمايىل - جۋرناليستيكا سالاسىنا سىڭىرگەن ەڭبەگى زور، “ەگەمەن قازاقستاننىڭ” تيراج سانىن كوبەيتىپ، ورنىن نىعايتقان، قازاق پۋبليتسيستيكاسىندا جازۋدىڭ عانا ەمەس، ۇيىمداستىرۋشىلىق قابىلەتىمەن اتى قالعان، العاشقى بۇقارالىق اقپارات قۇرالدارى سالاسىنداعى پرەزيدەنت سىيلىعىنىڭ لاۋرەاتى.
مانساپ جولىن “سوتسياليستىك قازاقستاننان” باستاپ، اراعا ۋاقىت سالماي “لەنينشىل جاس” گازەتىنە اۋىسقان ەر-اعا جۋرناليستىك العىرلىعىنىڭ، اتقارعان ەڭبەگىنىڭ ارقاسىندا جانىپ تۇرعان وتتى جىلدارى رەسپۋبليكا جاستارى ۇيىمىنىڭ مəرتەبەسى ەڭ جوعارى باۋبەك بۇلقىشەۆ اتىنداعى سىيلىقپەن ماراپاتتالادى. بۇل ماراپاتتى العان ۋاقىتتا قازاقستاننىڭ اقپارات كەڭىستىگىندە تالاپتى ءبىر جاس ازاماتتىڭ توپتى جارىپ شىعاتىنى بەلگىلى بولدى. ەرجۇمان سمايىلدىڭ وزىنە كەلسەك، ول مۇنداي جوعارى اتاققا اسا مəن بەرمەيتىندەي بولعان. قانداي ماراپات يەلەنسە دە، قاراپايىمدىلىعىنان ءبىر تايمادى.
ەرجۇمان وتەشۇلى “لەنينشىل جاستا” قىزمەت اتقارعان ۋاقىتتا باسىلىم تالانتتى بۋىننىڭ توپتاساتىن جەرى بولدى. رەداكتسيادا ج. بەيسەنبايۇلى، ى. كەنەنباەۆ، ج. سولتيەۆا، م. قوجاحمەتوۆا، Ə. كوپىشەۆ جəنە ج. ەلشىبەك سياقتى زامان تاڭداۋلىلار قىزمەت اتقاردى. كەيىننەن قازىرگى اتاقتى جازۋشىلار ن. جۇنىسباەۆ، ق. جيەنباي تəرىزدىلەر قاتارعا قوسىلدى. “سوتسياليستىك قازاقستاننان” “لەنينشىل جاسقا” جۇمىسقا شاقىرعان س. بەردىقۇلوۆپەن پۋبليتسيست 7 جىل قىزمەتتەس بولدى. گازەتتىڭ əر بەتىندە جۇرت قىزىعاتىنداي ءبىر وقيعا، حابار بولۋىن مىندەتتەگەن باس رەداكتوردىڭ ارقاسىندا ەرجۇمان سمايىل ادامدارمەن جۇمىس ىستەۋدى، جازۋشى-تىلشىلەرمەن سويلەسۋدى ۇيرەندى.
ايشات ناقا
