اقمولا وبلىسى ىشكى ساياسات باسقارماسىنىڭ «قوعامدىق دامۋ ورتالىعى» كمم ۇيىمداستىرۋىمەن قازاق حالقىنىڭ حاس باتىرى، حالىق قاhارمانى راقىمجان قوشقارباەۆتىڭ 100 جىلدىعىنا وراي «ەسىمى حالقىنا ۇران بولعان» اتتى كوللەدج ستۋدەنتتەرى اراسىندا اسكەري-پاتريوتتىق سايىس ءوتتى.
سايىستىڭ ماقساتى – وسكەلەڭ ۇرپاقتىڭ ەلىنە دەگەن سۇيىسپەنشىلىگىن وياتۋ، سونىمەن قاتار، جوعارى پاتريوتتىق سانانى، ءوز وتانىنا دەگەن ادالدىق سەزىمىن قالىپتاستىرۋ مەن جاستاردىڭ دەنە دايارلىعىن، سپورتتىق شەبەرلىكتەرىن ارتتىرۋ.
اتالمىش سايىسقا اقمولا وبلىسى ىشكى ساياسات باسقارماسى باسشىسىنىڭ ورىنباسارى جانداۋلەت قىلىشباەۆ، اۋعان سوعىسىنىڭ ارداگەرى جاناتاي قۇسايىنوۆ ، كوكشەتاۋ ق. №1 ارنايى مەكتەپ-ينتەرناتىنىڭ دەنە شىنىقتىرۋ ءپانىنىڭ مۇعالىمى، زاپاستاعى لەيتەنانت، قازىلار القاسىنىڭ توراعاسى قايرات شامەكەشەۆ، اباي اتىنداعى دارىندى بالالارعا ارنالعان №3 وبلىستىق مامانداندىرىلعان مەكتەپ-ينتەرناتىنىڭ العاشقى اسكەري دايىندىق ءپانىنىڭ مۇعالىمى، 2-ءشى دارەجەدەگى سەرجانت اسەت شوقاەۆ، № 5 «تاڭداۋ» مەكتەپ- گيمنازياسىنىڭ العاشقى اسكەري دايىندىق ءپانىنىڭ مۇعالىمى يگور كۆاچادزە، اقان سەرى اتىنداعى جوعارى مادەنيەت كوللەدجىنىڭ ديرەكتورى سايان مۇحامەديار، «قازاق ءتىلى مەن مادەنيەتى» قب توراعاسى مارات قويشين، اقمولا وبلىستىق جاستار رەسۋرستىق ورتالىعىنىڭ باسشىسى داستان ەرمەكوۆ، زيالى قاۋىم وكىلدەرى، قالالىق ارداگەرلەر كەڭەسىنىڭ وكىلدەرى، ج. مۋسين اتىنداعى جوعارى قازاق پەداگوگيكالىق كوللەدجىنىڭ، اقان سەرى اتىنداعى جوعارى مادەنيەت كوللەدجىنىڭ، جوعارى “ارنا” كوللەدجىنىڭ، ش. ءۋاليحانوۆ اتىنداعى كۋ جانىنداعى كوپسالالى جانە جوعارى تەحنيكالىق كوللەدجدەرىنىڭ ستۋدەنتتەرى قاتىستى.
جۇلدەلى ءبىرىنشى ورىندى ج.مۋسين اتىنداعى كوكشەتاۋ جوعارى قازاق پەداگوگيكالىق كوللەدج السا، ەكىنشى ورىندى جوعارى تەحنيكالىق كوللەدج، ال ءۇشىنشى ورىنعا اقان سەرى اتىنداعى جوعارى مادەنيەت كوللەدج جايعاستى.
سونداي-اق، شوقان ءۋاليحانوۆ اتىنداعى كوكشەتاۋ ۋنيۆەرسيتەتى جانىنداعى كوپسالالى مەن «ارنا» كوكشەتاۋ جوعارى كوللەدجىنىڭ اتىنان قاتىسقان توپتارعا ىنتالاندىرۋ سىيلىقتارى تابىستالدى.
بۇنداي ەل جاستارىنا ۇلگى-ونەگە ءارى رۋحاني ازىق بولار تاعىلىمدى ءىس-شارالار ءوز جالعاسىن تاپپاق.
