Aqmola oblysy Ishki saıasat basqarmasynyń «Qoǵamdyq damý ortalyǵy» KMM uıymdastyrýymen Qazaq halqynyń has batyry, Halyq qaharmany Raqymjan Qoshqarbaevtyń 100 jyldyǵyna oraı «Esimi halqyna uran bolǵan» atty kolledj stýdentteri arasynda áskerı-patrıottyq saıys ótti.
Saıystyń maqsaty – óskeleń urpaqtyń eline degen súıispenshiligin oıatý, sonymen qatar, joǵary patrıottyq sanany, óz Otanyna degen adaldyq sezimin qalyptastyrý men jastardyń dene daıarlyǵyn, sporttyq sheberlikterin arttyrý.
Atalmysh saıysqa Aqmola oblysy Ishki saıasat basqarmasy basshysynyń orynbasary Jandáýlet Qylyshbaev, Aýǵan soǵysynyń ardageri Janataı Qusaıynov , Kókshetaý q. №1 arnaıy mektep-ınternatynyń dene shynyqtyrý pániniń muǵalimi, zapastaǵy leıtenant, qazylar alqasynyń tóraǵasy Qaırat Shamekeshev, Abaı atyndaǵy daryndy balalarǵa arnalǵan №3 oblystyq mamandandyrylǵan mektep-ınternatynyń alǵashqy áskerı daıyndyq pániniń muǵalimi, 2-shi dárejedegi serjant Áset Shoqaev, № 5 «Tańdaý» mektep- gımnazııasynyń alǵashqy áskerı daıyndyq pániniń muǵalimi Igor Kvachadze, Aqan Seri atyndaǵy joǵary mádenıet kolledjiniń dırektory Saıan Muhamedııar, «Qazaq tili men mádenıeti» QB tóraǵasy Marat Qoıshın, Aqmola oblystyq jastar resýrstyq ortalyǵynyń basshysy Dastan Ermekov, zııaly qaýym ókilderi, qalalyq ardagerler keńesiniń ókilderi, J. Mýsın atyndaǵy joǵary qazaq pedagogıkalyq kolledjiniń, Aqan seri atyndaǵy joǵary mádenıet kolledjiniń, Joǵary “Arna” kolledjiniń, Sh. Ýálıhanov atyndaǵy KÝ janyndaǵy kópsalaly jáne Joǵary tehnıkalyq kolledjderiniń stýdentteri qatysty.
Júldeli birinshi oryndy J.Mýsın atyndaǵy Kókshetaý joǵary qazaq pedagogıkalyq kolledj alsa, ekinshi oryndy Joǵary tehnıkalyq kolledj, al úshinshi orynǵa Aqan seri atyndaǵy joǵary mádenıet kolledj jaıǵasty.
Sondaı-aq, Shoqan Ýálıhanov atyndaǵy Kókshetaý ýnıversıteti janyndaǵy kópsalaly men «Arna» Kókshetaý joǵary kolledjiniń atynan qatysqan toptarǵa yntalandyrý syılyqtary tabystaldy.
Bundaı el jastaryna úlgi-ónege ári rýhanı azyq bolar taǵylymdy is-sharalar óz jalǵasyn tappaq.
