قوستاناي وبلىسىندا سۋ باسقان ايماقتا قالعان ناۋقاستى قۇتقارۋعا بارعان سانيتارلىق اۆياتسيا ۇشاعى اپاتقا ۇشىرادى. توتەنشە جاعدايعا قاتىستى تۇسىنىكتەمە بەرىلدى، - دەپ حابارلايدى “ادىرنا” ۇلتتىق پورتالى.
3 مامىر كۇنى تاراعان ۆيدەوداعى كادرلاردان كومەككە كەتكەن ۇشاقتىڭ بيىكتىگىن جوعالتىپ، توپان سۋعا قۇلاعانىن كورۋگە بولادى.
جاعادا ولاردى جەدەل جاردەم كولىگى كۇتىپ تۇرعان ەدى. جاعدايدان سوڭ دارىگەرلەر دەرەۋ ۇشاققا جاياۋ جەتتى. كولىك مينيسترلىگىنىڭ مالىمەتىنشە، بۇل ەرىگەن سۋدان پايدا بولعان سۋ توعانى بولعان. ول جەردە شىنىمەن دە سۋ كوپ ەمەس بولاتىن.
وبلىستىق دەنساۋلىق ساقتاۋ باسقارماسى سانيتارلىق اۆياتسيانىڭ قاتىسۋىمەن بولعان توتەنشە جاعدايعا بايلانىستى تۇسىنىكتەمە بەردى. ولار تاڭەرتەڭ مەديتسينالىق اۆياتسيانىڭ ەلەكتروندى پوشتاسىنا ميوكارد ينفاركتىسى دياگنوزىمەن 1964 جىلى تۋعان ناۋقاستى تاسىمالداۋ تۋرالى ءوتىنىش تۇسكەنىن ايتتى.
"ناۋقاستى قوستاناي وبلىستىق اۋرۋحاناسىنا جەتكىزۋ ءۇشىن ساعات 16:09-دا قۇرامىندا ەكى ۇشقىش، دارىگەر جانە فەلدشەر بار سانيتارلىق اۆياتسيا بريگاداسى ارقالىق قالاسىنا ۇشتى. الدىن الا بولجام بويىنشا جەردەن كوتەرىلە بەرگەن كەزىندە سانيتارلىق اۆياتسيا ۇشاعى اۋدارىلىپ كەتتى»، - دەلىنگەن حابارلامادا.
سانيتارلىق اۆياتسيا بريگاداسى زارداپ شەككەن ادام جوق، ولار مەديتسينا قىزمەتكەرلەرىنىڭ باقىلاۋىندا دەپ باياندادى.
پوسموترەت ەتۋ پۋبليكاتسيۋ ۆ Instagram
