كەش الماتىداعى اباي اتىنداعى قازاق ۇلتتىق وپەرا جانە بالەت تەاترىندا وتكىزىلدى. كيەلى ساحنادا ياكۋت ەلىنىڭ «نۋرگۋن بووتۋر» ۇلتتىق وپەراسى كورسەتىلدى.
سپەكتاكل ءداستۇرلى حالىق مادەنيەتى مەن زاماناۋي وپەرا ونەرىنە نەگىزدەلگەن. قويىمىلمنىڭ رەجيسسەرى اندرەي بوريسوۆ. ول، اتالعان سپەكتالدە وپەرا كونە ەپوس نەگىزىنە قۇرىلعاندىعىن ايتتى. ايتۋىنشا، قويىلىمدا جوعارعى دۇنيە قاھارمانىنىڭ زۇلىم كۇشتەرىمەن كۇرەسى باياندالادى.
قويىلىم كورەرمەننىڭ نازارىن وزىنە قاراتىپ، ەرەكشە اسەرگە بولەدى.
– كورەرمەن رەتىندە ماعان وتە ۇنادى. زاماناۋي ەمەس، تاريحي قويىلىمعا ادام قىزىعادى. كيگەن كيمى، وقىعان ولەڭى، اسپاپتارى ادامنىڭ قىزىعۋشىلىعىن ارتتىرادى، – دەدى قالا تۇرعىنى سارا سايپوۆا.
ايتا كەتەيىك، مادەني ءىس-شارا اياسىندا ىقىلاس اتىنداعى حالىق اسپاپتار مۋزەيىندە «عاسىرلار ءۇنى» كورمەسى اشىلدى. كەلۋشىلەر كورمەدەن ساحا شەبەرلەرىنىڭ قولىنان شىققان ۇلتتىق اسپاپتاردى تاماشالاي الادى. اتالمىش باستاما ەكى ەل اراسىنداعى دوستاستىقتى نىعايتپاق.
ءتۇبى ءبىر تۇركى حالىقتارى بولعاندىقتان، ەكى ەلدىڭ سالت-ءداستۇرى دە ۇقساس كەلەدى. مۋزىكالىق اسپاپتارىمىز، ءتىلىمىز وتە ۇقساس. قىمىز سۋسىنى دا ءبىزدى بايلانىستىرادى، – دەدى ساحا رەسپۋبليكاسىنىڭ مادەنيەت جانە رۋحاني دامۋ ءمينيسترى افاناسي نوەۆ.
ەسكە سالامىز، ساحا رەسپۋبليكاسىنان قازاقستانعا مەرەكەنى ايشىقتاۋ ءۇشىن 300-دەن استام وكىل كەلگەن.
