جەر بۋسانىپ، كوك شىققاندا وڭتسۇتىك استانانى اباتتاندىرۋ ناۋقانى باستالدى. بۇل ىسكە مادەنيەت سالاسىنىڭ وكىلدەرىدە اتسالىسادى. ولار تەاترلار مەن مۋزەيلەردىڭ، كىتاپحانالار مەن ارحيۆ، زووباق پەن تسيرك اۋماعىنا، سونداي-اق قالاداعى ساياباقتار مەن سكۆەرلەردە 1000 ءتۇپ الما اعاشىن وتىرعىزۋدى جوسپارلاپ وتىر، دەپ حابارلايدى "ادىرنا" ءتىلشىسى Almaty.tv-عا سىلتەمە جاساپ.
«تازا قازاقستان» رەسپۋبليكالىق ەكولوگيالىق اكتسياسى اياسىندا ءوتىپ جاتقان «الماتى – ءبىزدىڭ ورتاق ءۇيىمىز» ناۋقانىنا ۇلت جاناشىرى، حالىق اقىنى، جازۋشى، قوعام قايراتكەرى، قازاقستاننىڭ ەڭبەك ەرى مۇحتار شاحانوۆ قولداۋ كورسەتتى. ول «الاتاۋ» ءداستۇرلى ونەر تەاترى الدىنا الما اعاشىن وتىرعىزىپ، ەكولوگيالىق شارانىڭ قالانىڭ تىنىس-تىرشىلىگى ءۇشىن اسا ماڭىزدى ەكەنىن اتاپ ءوتتى.
«بۇل – جاقسى قاسيەتتەردى ناسيحاتتايتىن، ىنتىماق پەن اۋىزبىرشىلىككە شاقىراتىن جانە مەيىرىمدىلىككە باۋليتىن ۇلكەن ءىس-شارا. مەن 82 جاستا بولسام دا، ورتاق مۇددەمىز ءۇشىن ازاماتتىق بەلسەندىلىك تانىتىپ، اعاش وتىرعىزۋعا كەلدىم. اسەم الماتىمىزدى كوركەيتۋ جولىندا قالا تۇرعىندارى عانا ەمەس، قوناقتارى دا اتسالىسۋى قاجەت. مۇنداي باستامالاردى قولداعان دۇرىس دەپ ويلايمىن. الماتى ەكولوگيالىق مادەنيەت جوعارى دامىعان قالاعا اينالۋعا ءتيىس. سوعان تىرىسۋىمىز كەرەك»، – دەدى قازاقستاننىڭ ەڭبەك ەرى مۇحتار شاحانوۆ.
سونداي-اق تەاتر الدىنا قر حالىق ءارتيسى تۇڭعىشباي جامانقۇلوۆ، قر حالىق ءارتيسى رامازان ستامعازيەۆ، قر ەڭبەك سىڭىرگەن قايراتكەرى ساۋلە جانپەيىسوۆا، قر ەڭبەك سىڭىرگەن قايراتكەرى ارداق يساتاەۆا، قر مادەنيەت قايراتكەرى قادىرعالي كوبەنتاي، قر ەڭبەك سىڭىرگەن قايراتكەرى ەركىن شۇكىمان، ءداستۇرلى قازاق اندەرىن ورىنداۋشى امانگەلدى كۇزەۋباي جانە مادەنيەت سالاسىنىڭ باسقا دا تانىمال وكىلدەرى ءوز اتىنان الما كوشەتىن ەكتى. «الاتاۋ» ءداستۇرلى ونەر تەاترىنىڭ الدىنا بارلىعى 60 اعاش جانە 2500 گۇل وتىرعىزىلدى.
بۇعان قوسا، الماتى حايۋاناتتار باعىنىڭ اۋماعىندا سالا قىزمەتكەرلەرى 250 ءتۇپ شومىرت، مامىرگۇل، تال، تالشىن، بادام، جاڭعاق جانە كوكتەرەك وتىرعىزدى. ال قازاق مەملەكەتتىك تسيركىنىڭ اۋماعىندا 70 كوشەت جانە 40 گۇل، قالالىق مۋزەيلەر اۋماعىندا 130 اعاش جانە 400-دەن استام گۇل وتىرعىزىلدى.
ايتا كەتەيىك، 27 ءساۋىر كۇنى الماتىدا «الماتى – ءبىزدىڭ ورتاق ءۇيىمىز» ناۋقانى اياسىندا جاپپاي الما كوشەتتەرى ەگىلەدى. «الماتى - باق قالا» اكتسياسى
