ھاكىم اباي «ارتىق ءبىلىم-كىتاپتا» دەگەن. ادامنىڭ جانىنا ازىق بولار باي مۇرانى عالامنىڭ 8 كەرەمەتىنەن ەمەس، توم-تومداعان كىتاپ بەتتەرىنەن عانا كەزدەستىرۋگە بولادى. بۇگىندە ءساۋىر ايىنىڭ 23-ءى جۇلدىزى حالىقارالىق كىتاپ كۇنى دەپ بەلگىلەنگەن. بىلىمگە قۇشتار جانداردىڭ قراسىن كوبەيتۋگە باعىتتالعان ايتۋلى داتاعا وراي، الماتىدا كىتاپ كوفەحاناسى اشىلدى.
جوبا، الماتى قالاسىنىڭ اكىمدىگى مەن «مازمۇنداما» باسپاسىنىڭ بىرلەسكەن جۇمىسىنىڭ ارقاسىندا جۇزەگە اسقان. باستى ماقسات- تۇرعىندار اراسىندا كىتاپ وقۋ مادەنيەتىن ناسيحاتتاۋ.
قوعامدىق ورىن ءبىر مەزەتتە 50 ادامعا دەيىن قابىلداي الادى. ونداعى سورەلەرگە ءتۇرلى جانرداعى مىڭعا جۋىق وقۋلىق قويىلعان.
جوبا جەتەكشىسىنىڭ سوزىنە سۇيەنسەك، مۇنداي قوعامعا پايدالى قوعامدىق ورىندار ەلىمىزدىڭ ءار وڭىرىنەن اشىلادى دەپ جوسپارلانعان.
بۇل – العاشقى جوبامىز. ەگەر حالىقتى قىزىقتىرىپ، سۇرانىسى تۋاتىن بولسا، الماتىنىڭ باسقا جەرىنەن جانە قازاقستاننىڭ باسقا وڭىرىنەن اشامىز دەپ وتىرمىز، – دەدى «مازمۇنداما» باسپانىڭ باسشىسى شىڭعىس مۇقان.