Hákim Abaı «Artyq bilim-kitapta» degen. Adamnyń janyna azyq bolar baı murany ǵalamnyń 8 keremetinen emes, tom-tomdaǵan kitap betterinen ǵana kezdestirýge bolady. Búginde sáýir aıynyń 23-i juldyzy halyqaralyq kitap kúni dep belgilengen. Bilimge qushtar jandardyń qrasyn kóbeıtýge baǵyttalǵan aıtýly dataǵa oraı, Almatyda kitap kofehanasy ashyldy.
Joba, Almaty qalasynyń ákimdigi men «Mazmundama» baspasynyń birlesken jumysynyń arqasynda júzege asqan. Basty maqsat- turǵyndar arasynda kitap oqý mádenıetin nasıhattaý.
Qoǵamdyq oryn bir mezette 50 adamǵa deıin qabyldaı alady. Ondaǵy sórelerge túrli janrdaǵy myńǵa jýyq oqýlyq qoıylǵan.
Joba jetekshisiniń sózine súıensek, mundaı qoǵamǵa paıdaly qoǵamdyq oryndar elimizdiń ár óńirinen ashylady dep josparlanǵan.
Bul – alǵashqy jobamyz. Eger halyqty qyzyqtyryp, suranysy týatyn bolsa, Almatynyń basqa jerinen jáne Qazaqstannyń basqa óńirinen ashamyz dep otyrmyz, – dedi «Mazmundama» baspanyń basshysy Shyńǵys Muqan.
