بۇگىن تاڭدا اتىراۋ وبلىسىندا پاتەر ورتەنىپ، 2 بالا قازا تاپتى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، بۇگىن ساعات 5:37-دە يندەر اۋدانى يندەربور كەنتى ماحامبەت كوشەسىندەگى 5 قاباتتى تۇرعىن ۇيلەردىڭ بىرىندە ءتۇتىن شىعىپ جاتقانى تۋرالى حابارلاما تۇسكەن. ءورت سوندىرۋشىلەر وقيعا ورنىنا جەتكەن كەزدە اتالعان مەكەنجايداعى 5 قاباتتى تۇرعىن ءۇيدىڭ 2-قاباتىندا ورنالاسقان پاتەردىڭ تولىقتاي جانىپ كەتكەنىن انىقتادى.
«ءورت كەزىندە ءۇيدىڭ جاتىن بولمەسىنەن 2014 جىلى تۋعان جانە 2017 جىلى تۋعان بالالاردىڭ دەنەلەرى تابىلدى. سونداي-اق 1995 جىلى تۋعان ن.س. ەسىمدى اناسى جانە 1994 جىلى تۋعان ەر ادام ەس-ءتۇسسىز كۇيدە تابىلىپ، اۋداندىق ورتالىق اۋرۋحانانىڭ جانساقتاۋ بولىمىنە جەدەل جاردەم قىزمەتكەرلەرىمەن جەتكىزىلدى»، – دەلىنگەن حابارلامادا.
ءورت ساعات 6:02-دە وقشاۋلانىپ، ساعات 06:10-دا تولىقتاي جويىلدى.
سونىمەن قاتار، ءورتتىڭ شىعۋ سەبەبىن انىقتاۋ ماقساتىندا اتىراۋ قالاسىنان ءورت-زەرتتەۋ زەرتحاناسى جۇمىس ىستەپ جاتىر.
