مەگاپوليستە ەڭبەك نارىعىنداعى جاعداي جاقساردى. اتاپ ايتقاندا، 2023 جىلدىڭ III توقسانىندا جۇمىسسىزدىق دەڭگەيى 4,8% - عا دەيىن تومەندەدى، دەپ حابارلايدى "ادىرنا" ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.
ەڭبەك ۇتقىرلىعى ورتالىعى مەن مانساپ ورتالىعى جۇمىسقا ورنالاسۋعا كومەكتەسەدى.
«2023 جىلى 87,4 مىڭ ادام جۇمىسپەن قامتۋدىڭ بەلسەندى شارالارىنا تارتىلدى، ونىڭ ىشىندە تۇراقتى جانە ۋاقىتشا جۇمىس ورىندارىنا 41,5 مىڭنان استامى (47,5%) ورنالاستىرىلدى»، – دەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ.
الماتىدا جەكە بيزنەسىن جاڭا باستاعان كاسىپكەرلەر ءوز ىستەرىن دامىتۋعا گرانتتار الدى.
«باستاۋ بيزنەس» جوباسى جانە گرانتتار بويىنشا ءىسىن جاڭا باستاعان 10,3 مىڭ كاسىپكەر قولداۋ الدى، بيزنەستى اشقىسى كەلەتىن 135 جاسقا 5 ملن تەڭگەگە دەيىن جەڭىلدىكپەن (جىلدىق 2,5% - بەن) شاعىن نەسيەلەر بەرىلدى. كۋرستاردان 4 مىڭنان استام ادام ءوتتى، 31,3 مىڭ وقۋشى، ستۋدەنتتەر مەن جۇمىسسىزدار اراسىندا كاسىپتىك باعدار وتكىزىلدى»، – دەپ اتاپ ءوتتى ول.
ۇلتتىق جوبالار اياسىندا جانە كاسىپكەرلىك سۋبەكتىلەرىمەن 89 995 جۇمىس ورنى قۇرىلدى، ولاردىڭ 81%-ى نەمەسە 72 824-ءى تۇراقتى جۇمىس ورىندارى.
«وسىلايشا، حالىقتى جۇمىسپەن قامتۋ بويىنشا مەملەكەت قولعا العان بارلىق شارالار قالاداعى جۇمىسسىزدىق دەڭگەيىن 5% – دان 4,8% - عا دەيىن تومەندەتۋگە مۇمكىندىك بەردى»، - دەپ اتاپ ءوتتى باۋىرجان جاۋباسوۆ.
جۇمىسپەن قامتۋ جۇيەسىن ودان ءارى دامىتۋ ماقساتتارىنىڭ ءبىرى - ەلەكتروندىق ەڭبەك بيرجاسى شەڭبەرىندە بارلىق قىزمەتتەر مەن قولداۋ شارالارىن تولىق تسيفرلاندىرۋ. كاسىبي داعدىلارى جوق ادامدارعا جۇمىسقا ورنالاسۋ ماسەلەلەرىنە ەرەكشە نازار اۋدارىلادى.
«ىسكە اسىرىلىپ جاتقان جۇمىسپەن قامتۋ باعدارلامالارىنىڭ تيىمدىلىگىن ارتتىرۋ ماقساتىندا قوعامدىق جۇمىستارعا قاتىساتىن جۇمىسسىزدار مىندەتتى تۇردە جاڭا كاسىپتەر مەن داعدىلاردى الۋ ءۇشىن «Skills Enbek» پورتالىندا ونلاين وقىتۋدان وتەتىن بولادى. بۇل قالا بيۋدجەتىنە جۇكتەمەنى ازايتۋعا مۇمكىندىك بەرەدى»، - دەدى باۋىرجان جاۋباسوۆ.
زەينەتكەرلىك جاسقا دەيىنگى ادامدار مەن زەينەتكەرلەردى جۇمىسپەن قامتۋدى قامتاماسىز ەتۋ ءۇشىن ولاردى ودان ءارى جۇمىسقا ورنالاستىرا وتىرىپ، جۇمىسپەن قامتۋدىڭ جاڭا باعدارلاماسىن ەنگىزۋ ماسەلەسى قارالۋدا.
«2024 جىلى 12,5 مىڭ ادامدى جۇمىسپەن قامتۋ شارالارىمەن قامتاماسىز ەتۋ، 90 508 جۇمىس ورنىن قۇرۋ جوسپارلانۋدا، ونىڭ ىشىندە 67 654-ءى (74,7%) تۇراقتى جۇمىس ورىندارى بولماق»، – دەپ تولىقتىردى سپيكەر.
