Megapolıste eńbek naryǵyndaǵy jaǵdaı jaqsardy. Atap aıtqanda, 2023 jyldyń III toqsanynda jumyssyzdyq deńgeıi 4,8% - ǵa deıin tómendedi, dep habarlaıdy "Adyrna" tilshisi Óńirlik kommýnıkaııalar qyzmetine silteme jasap.
Eńbek utqyrlyǵy ortalyǵy men Mansap ortalyǵy jumysqa ornalasýǵa kómektesedi.
«2023 jyly 87,4 myń adam jumyspen qamtýdyń belsendi sharalaryna tartyldy, onyń ishinde turaqty jáne ýaqytsha jumys oryndaryna 41,5 myńnan astamy (47,5%) ornalastyryldy», – dedi Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
Almatyda jeke bıznesin jańa bastaǵan kásipkerler óz isterin damytýǵa granttar aldy.
«Bastaý Bıznes» jobasy jáne granttar boıynsha isin jańa bastaǵan 10,3 myń kásipker qoldaý aldy, bıznesti ashqysy keletin 135 jasqa 5 mln teńgege deıin jeńildikpen (jyldyq 2,5% - ben) shaǵyn nesıeler berildi. Kýrstardan 4 myńnan astam adam ótti, 31,3 myń oqýshy, stýdentter men jumyssyzdar arasynda kásiptik baǵdar ótkizildi», – dep atap ótti ol.
Ulttyq jobalar aıasynda jáne kásipkerlik sýbektilerimen 89 995 jumys orny quryldy, olardyń 81%-y nemese 72 824-i turaqty jumys oryndary.
«Osylaısha, halyqty jumyspen qamtý boıynsha memleket qolǵa alǵan barlyq sharalar qaladaǵy jumyssyzdyq deńgeıin 5% – dan 4,8% - ǵa deıin tómendetýge múmkindik berdi», - dep atap ótti Baýyrjan Jaýbasov.
Jumyspen qamtý júıesin odan ári damytý maqsattarynyń biri - elektrondyq eńbek bırjasy sheńberinde barlyq qyzmetter men qoldaý sharalaryn tolyq ıfrlandyrý. Kásibı daǵdylary joq adamdarǵa jumysqa ornalasý máselelerine erekshe nazar aýdarylady.
«Iske asyrylyp jatqan jumyspen qamtý baǵdarlamalarynyń tıimdiligin arttyrý maqsatynda qoǵamdyq jumystarǵa qatysatyn jumyssyzdar mindetti túrde jańa kásipter men daǵdylardy alý úshin «Skills Enbek» portalynda onlaın oqytýdan ótetin bolady. Bul qala bıýdjetine júktemeni azaıtýǵa múmkindik beredi», - dedi Baýyrjan Jaýbasov.
Zeınetkerlik jasqa deıingi adamdar men zeınetkerlerdi jumyspen qamtýdy qamtamasyz etý úshin olardy odan ári jumysqa ornalastyra otyryp, jumyspen qamtýdyń jańa baǵdarlamasyn engizý máselesi qaralýda.
«2024 jyly 12,5 myń adamdy jumyspen qamtý sharalarymen qamtamasyz etý, 90 508 jumys ornyn qurý josparlanýda, onyń ishinde 67 654-i (74,7%) turaqty jumys oryndary bolmaq», – dep tolyqtyrdy spıker.
