سۇقبات بارىسىندا "بالتابەكتىڭ شامادان تىس سەمىرىپ كەتۋىنە، ونىڭ جۇيكەسىنىڭ توزۋىنا ونىڭ ايىقپاس دەرتكە ۇشىراۋى سەبەپ كورىنەدى. بار-جوعى 1,5 جىل ۋاقىتى قالىپتى" دەگەن سىبىسقا قاتىستى دا سۇراق قويىلدى.
بولات نازارباەۆتى بايتەرەككە، قاسىم-جومارت توقاەۆتى تەمىرقازىققا تەڭەپ، ولەڭ شىعارعان بالتابەك نۇرعاليەۆكە الەۋمەتتىك جەلىلەردە وزىنە قاتىستى جازىلعان ايىپتاۋلار مەن داتتاۋلار جانىنا قاتتى باتىپ، جۇرەگىن اۋىرتادى ەكەن. بۇل تۋرالى ول "ۋاقىت كورسەتەدى" باعدارلاماسىنا بەرگەن سۇقباتىندا ايتتى، دەپ حابارلايدى Zakon.kz.
ونىڭ پىكىرىنشە، ول ءوز باعاسىن بىلەتىن، تىلىنە 18 عالامدى سىيدىرعان اقىن ەكەن.
"الەۋمەتتىك جەلىلەردە مەنى جەردەن الىپ، جەرگە سالىپ جاتادى. كەزدەسكەندە دە بەتىمە ايتادى. قارعاپ-سىلەپ، ايتىلعان كىر سوزدەر ادام بالاسىن كىشكەنە قاجىتىپ جىبەرەدى. مەن سودان شارشادىم... بىراق مەنىڭ ولەڭدەرىمنىڭ بارلىعى پوەتيكالىق تۇرعىدا، ادەبيەت تەورياسى مەن ادەبيەت تاريحىنىڭ شەڭبەرىندەگى دۇنيەلەر. مەن بىلىمنەن، تەوريادان، تاريحتان اتتاپ، ەشتەڭە جاساپ جاتقان جوقپىن.ەلباسىعا ارناپ ولەڭ شىعارعانىم راس. ەلباسىمىزدىڭ ءىنىسى بولات نازارباەۆقا دا ولەڭ ارناپ، كىتاپتار جازعانىم دا راس. ول كىتاپتى ءوز دارەجەسىندە جازىپ شىققانىم دا راس. ماعان جازعان كىتابىم ۇنايدى. ونى شىعارماشىلىعىمنىڭ ءبىر بيىك بەلەسى دەپ كورەمىن. شاپىراشتى دەپ ءبولىپ قاراۋعا بولمايدى. ءبارىمىز ءبىر قازاقپىز عوي. ازبىز. ءبىر-ءبىرىمىزدى ماقتاماعاننىڭ ەش سوكەتتىگى جوق دەپ ويلايمىن.
بولات نازارباەۆتىڭ وتە مۇقتاج ادامدارعا ۇنەمى قول ۇشۋىن بەرۋى مەنىڭ جۇرەگىمدى ەلجىرەتتى. مەنىڭ كىتاپ جازۋداعى باستى سەبەبىم وسى. جاقسىنىڭ جاقسىلىعىن ايت نۇرى تاسىسىن دەگەن بار عوي", - دەيدى ول.
سونداي-اق اقىن ءوز سۇقباتىندا ومىرىندە اقشا جاعىنان ەشقاشان تارشىلىق كورمەگەنىن دە ايتتى.
"ولەڭ مەنى ولتىرگەن جوق. ماعان ۇنەمى تاپسىرىستار ءتۇسىپ تۇرادى. سوندىقتان قايىر سۇراپ جۇرگەن ادام ەمەسپىن. مەن بىرجاقتى اقىن ەمەسپىن. مەن جازعان ولەڭدەر كوپ. بىراق مەن ءبىر كىسىگە ولەڭ ارناسام، مەنى سولاي عانا جازاتىن اقىن دەپ ويلاپ قالادى. بۇل دۇرىس ەمەس. ماسەلەن، كەنەسارى باتىر تۋرالى ولەڭىم بار، ونىمەن جۇلدە دە العام. تولە بي، بەكەت اتا، ياسساۋي بابامىز تۋرالى دا ولەڭدەرىم بار. مەن ءابىش كەكىلباەۆتىڭ، ەسەنباي دۇيسەنباەۆتىڭ، قادىر ءمىرزاالىنىڭ، فاريزا وڭعارسىنوۆانىڭ شاكىرتىمىن. ءبارىنىڭ باتاسىن العانمىن. مەن ءوز باعامدى بىلەتىن اداممىن. كورىپ وتىرعان ادامدار ءبىلسىن، مەنىڭ تىلىمە 18 مىڭ عالام سىيىپ كەتكەن... اقىندار مەنى مويىندامايدى دەگەنىڭىز قاتە. مەنى جوققا شىعارىپ، ءبىر اقىن وسى كۇنگە دەيىن ماقالا جاريالاعان ەمەس", - دەيدى اقىن.
سۇقبات بارىسىندا بالتابەكتىڭ شامادان تىس سەمىرىپ كەتۋىنە، ونىڭ جۇيكەسىنىڭ توزۋىنا ونىڭ ايىقپاس دەرتكە ۇشىراۋى سەبەپ كورىنەدى. بار-جوعى 1,5 جىل ۋاقىتى قالىپتى" دەگەن سىبىسقا قاتىستى دا سۇراق قويىلدى. اقىن بۇل ءسوزدى جوققا شىعاردى.
- ول وتىرىك. بىراق ماعان قارسى قاتتى دۋالار جاسالعان. اۋىرعانىم راس. داۋىسىم جوعالىپ، جازۋ قابىلەتىم دە جوعالعانى راس. ماسەلە بۇل ارادا قاراجاتقا تىرەلىپ تۇرعان جوق. باتپانداپ كىرگەن اۋرۋدىڭ مىسقىلداپ شىعاتىندىعىندا بوپ تۇر. قازىر ەمدەلدىم، دەنساۋلىعىم مىقتى دەپ ەسەپتەيمىن، - دەدى بۇل ساۋالعا جاۋابىندا ول.
"ادىرنا" ۇلتتىق پورتالى
