«الاتاۋ» ءداستۇرلى ونەر تەاترىنىڭ ساحناسىندا فارحات مولداعاليدىڭ رەجيسسەرلىعىمەن قويىلعان «مامليۋك. سۇلتان بەيبارىس» ساۋندراما قويىلىمى ءوزىنىڭ پرەمەراسىنان كەيىن دە تابىستى قويىلىپ جاتقان تۋىندى.
كورەرمەنگە جول تارتقاننان بەرى ءارتۇرلى پىكىرلەر تۋدىرىپ، قىزۋ تالقىعا تۇسكەن قويىلىم تەاتر سالاسىنىڭ ماماندارىمەن قوسا جالپى تاريحي وقيعالار مەن اتى الەمگە ءماشھۇر تۇلعالاردىڭ ساحناداعى سومدالۋى كىمدى دە بولسا قىزىقتىرارى انىق.
ەندى وسى قويىلىمنىڭ كەڭ كولەمدە تانىلۋىنا تاعى ءبىر ۇلكەن مۇمكىندىك تۋىپ تۇر. تمد ۇيىمىنا مۇشە مەملەكەتتەرى حالىقارالىق تەاترلار وداعى قاۋىمداستىعىنىڭ ۇيىمداستىرۋىمەن وتەتىن تەاترلاردىڭ جاس تولقىنىنا ارنالعان فورۋمنىڭ بەتاشارىن «ماملۇك. سۇلتان بەيبارىس» ساۋندراماسىمەن اشاتىن بولدى. بۇل تەاترىمىزدىڭ مارتەبەسىن اسىرىپ، ۇجىمنىڭ مەرەيىن تاسىتاتىن ايرىقشا ءسات بولماعى انىق.
الماتىدا وتەتىن اۋقىمدى فورۋمعا ءازىربايجان، ارمەنيا، بەلارۋس، گرۋزيا، قىرعىزستان، مولداۆيا، رەسەي، تاجىكستان مەن وزبەكستاننىڭ جاسى 35 جاسقا دەيىنگى 200-دەن استام رەجيسسەرلەر، دراماتۋرگتار، اكتەرلەر مەن ساحنا ماماندارى، تەاتر سىنشىلارى قاتىسادى.
فورۋم اياسىندا جۇمىسىن ەندى باستاعان ون رەجيسسەردىڭ تۋىندىلارى ساحنالانىپ، كاسىبي قازىلاردىڭ ىرىكتەۋىنەن جاقسى باعاسىن العان قويىلىمداردىڭ رەجيسسەرلەرى اقشالاي جانە ەستەلىك سىيلىقتارمەن ماراپاتتالادى.
فورۋمنىڭ ەڭ مىقتى قويىلىمى 2025 جىلى ماسكەۋ قالاسىندا وتەتىن ا.پ. چەحوۆ اتىنداعى XVII حالىقارالىق تەاترلار فەستيۆالىنە جولداما الادى.
«الاتاۋ» ءداستۇرلى ونەر تەاترىنىڭ
ادەبيەت ءبولىمى مامانى
بەركىمباەۆ ارداق
