«Alataý» dástúrli óner teatrynyń sahnasynda Farhat Moldaǵalıdyń rejısserlyǵymen qoıylǵan «Mamlıýk. Sultan Beıbarys» saýndrama qoıylymy óziniń premerasynan keıin de tabysty qoıylyp jatqan týyndy.
Kórermenge jol tartqannan beri ártúrli pikirler týdyryp, qyzý talqyǵa túsken qoıylym teatr salasynyń mamandarymen qosa jalpy tarıhı oqıǵalar men aty álemge máshhúr tulǵalardyń sahnadaǵy somdalýy kimdi de bolsa qyzyqtyrary anyq.
Endi osy qoıylymnyń keń kólemde tanylýyna taǵy bir úlken múmkindik týyp tur. TMD uıymyna múshe memleketteri Halyqaralyq teatrlar odaǵy qaýymdastyǵynyń uıymdastyrýymen ótetin Teatrlardyń jas tolqynyna arnalǵan forýmnyń betasharyn «Mámlúk. Sultan Beıbarys» saýndramasymen ashatyn boldy. Bul teatrymyzdyń mártebesin asyryp, ujymnyń mereıin tasytatyn aıryqsha sát bolmaǵy anyq.
Almatyda ótetin aýqymdy forýmǵa Ázirbaıjan, Armenııa, Belarýs, Grýzııa, Qyrǵyzstan, Moldavııa, Reseı, Tájikstan men Ózbekstannyń jasy 35 jasqa deıingi 200-den astam rejısserler, dramatýrgtar, akterler men sahna mamandary, teatr synshylary qatysady.
Forým aıasynda jumysyn endi bastaǵan on rejısserdyń týyndylary sahnalanyp, kásibı qazylardyń irikteýinen jaqsy baǵasyn alǵan qoıylymdardyń rejısserleri aqshalaı jáne estelik syılyqtarmen marapattalady.
Forýmnyń eń myqty qoıylymy 2025 jyly Máskeý qalasynda ótetin A.P. Chehov atyndaǵy XVII Halyqaralyq teatrlar festıvaline joldama alady.
«Alataý» dástúrli óner teatrynyń
ádebıet bólimi mamany
Berkimbaev Ardaq
