بۇگىن، 19 ساۋىردە ۇكىمەت قاۋلىسىمەن ءۇش مينيسترلىكتە كادرلىق اۋىس-ءتۇيىس بولدى، دەپ حابارلايدى «ادىرنا» ءتىلشىسى.
اتاپ ايتساق، قاجكەنوۆ قۋاندىق جۇمابەكۇلى ونەركاسىپ جانە قۇرىلىس ۆيتسە-ءمينيسترى، ابدىشەۆ باتىربەك قادىربەكۇلى توتەنشە جاعدايلار ۆيتسە-ءمينيسترى، كونياشكين روستيسلاۆ اناتولەۆيچ تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى بولىپ تاعايىندالدى.
قۋاندىق قاجكەنوۆ 1984 جىلى كوكشەتاۋ وبلىسىندا دۇنيەگە كەلگەن. س. سەيفۋللين اتىنداعى قازاق اگرارلىق ۋنيۆەرسيتەتىن، "كوكشە" اكادەمياسىن بىتىرگەن.
ەڭبەك جولىن 2006 جىلى جەكە كومپانيادا ينجەنەر-ەلەكتريك بولىپ باستاعان.
2008-2009 جىلدارى – عىلىمي-تەحنيكالىق ورتالىقتا ينجەنەر-جوبالاۋشى.
2009 جىلدان بەرى "مەمساراپتاما" رمك قۇرىلىمىندا قىزمەت ەتتى.
2021 جىلدان باستاپ قازىرگى ۋاقىتقا دەيىن – "مەمساراپتاما" رمك باس ديرەكتورى.
باتىربەك ابدىشەۆ 1977 جىلى اقتوبە وبلىسىندا دۇنيەگە كەلگەن. قر قارۋلى كۇشتەرiنiڭ جوعارعى شەكارا-كوماندالىق ۋچيليششەسiن بىتىرگەن.
ءتۇرلى جىلدارى ارنايى مەملەكەتتىك ورگانداردا، ونىڭ ىشىندە ۇلتتىق قاۋىپسىزدىك كوميتەتىندە قىزمەت ەتكەن.
روستيسلاۆ كونياشكين 1989 جىلى تاراز قالاسىندا دۇنيەگە كەلگەن. م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن. پرەزيدەنتتىك جاستار كادرلىق رەزەرۆىنىڭ مۇشەسى.
ەڭبەك جولىن 2011 جىلى جەكە ۇيىمدا كەڭەسشى بولىپ باستاعان.
ءتۇرلى جىلدارى اقپاراتتىق-كوممۋنيكاتسيالىق سالادا، "ازاماتتارعا ارنالعان ۇكىمەت" قەاق، جاساندى ينتەللەكت سالاسىنداعى زەرتتەۋلەر مەن ازىرلەمەلەردى قولداۋ قورىندا جۇمىس ىستەگەن.
2021 جىلدان بەرى قازىرگى ۋاقىتقا دەيىن – "ۇلتتىق اقپاراتتىق تەحنولوگيالار" اق باسقارماسىنىڭ توراعاسى.
