كوكشەتاۋدا سۋ باسۋ ايماعىندا قالعان زارداپ شەككەن تۇرعىندارعا پəتەر كىلتتەرى تاپسىرىلدى. اقمولا وبلىس اكىمدىگىنىڭ مالىمەتىنشە، پəتەر كىلتتەرىن ءوڭىر باسشىسى مارات احمەتجانوۆ تابىس ەتتى، ول مەملەكەت زالالدى ازايتۋ ءۇشىن بارلىق شارالاردى قولدانىپ جاتقانىن اتاپ ءوتتى.
«مەملەكەت باسشىسىنىڭ تاپسىرماسى بويىنشا اقمولا وبلىسىندا ازاماتتاردىڭ قاۋىپسىزدىگىن قامتاماسىز ەتۋ جəنە ولاردىڭ قاجەتتىلىكتەرىن شەشۋ بويىنشا ۇلكەن جۇمىس جۇرگىزىلۋدە. بۇگىن ءسىز پəتەر العان العاشقى ادام بولدىڭىز. وتباسىلارىڭىزدا ءبəرى جاقسى بولىپ، قيىنشىلىقتار ارتتا قالسىن»، – دەدى وبلىس اكىمى مارات احمەتجانوۆ.
مەملەكەتتىك قوردان العاشقى تۇرعىن ءۇي الۋشىلار قاپاروۆتار جəنە نيكۋليندەر كوپبالالى وتباسىلارى بولدى. الىنعان پəتەرلەردى تۇرعىندار وزدەرى تاڭدادى. پəتەردە تۇرۋ ءۇشىن قاجەت نəرسەنىڭ ءبəرى بار.
«پرەزيدەنتكە ءبىزدىڭ مəسەلەلەرىمىزدى تەز شەشكەنى ءۇشىن العىس ايتامىز. ءبىزدىڭ وتباسىمىز ءۇشىن بۇل ۇلكەن قۋانىش، بالالار ريزا، بارلىعىنا ۇلكەن راحمەت. ءبىز ءوز تاراپىمىزدان وسى ۇيدە تەك قۋانىشتى سəتتەردىڭ بولۋىنا تىرىسامىز»، – دەپ قۋانىشىمەن ءبولىستى سəۋلە قاپاروۆا.
مەملەكەت باسشىسىنىڭ تاپسىرماسى بويىنشا اقمولا وبلىسىندا زارداپ شەككەندەرگە بارلىق قاجەتتى قولداۋ كورسەتىلەتىنىن جəنە ازاماتتاردىڭ مۇلكىن قالپىنا كەلتىرۋ بويىنشا بارلىق شارالار قولدانىلىپ جاتقانىن اتاپ وتكەن ءجون. وڭىردە شىعىنداردى وتەۋ جəنە جويۋ جونىندەگى جۇمىس تۇرعىن ءۇي قاتىناستارى تۋرالى قولدانىستاعى زاڭناما شەڭبەرىندە جالعاستىرىلاتىن بولادى.
كەشە وبلىس ورتالىعىنىڭ 174 وتباسى 65 ملن تەڭگەدەن استام سوماعا بىرجولعى تولەم الدى. سونداي-اق، ماتەريالدىق شىعىنداردى باعالاۋ جəنە وتەۋ جونىندەگى كوميسسيا 12 وتباسىنا 8 ملن تەڭگەدەن استام كولەمدە ماتەريالدىق زالالدى وتەۋ تۋرالى شەشىم شىعاردى. سونىمەن قاتار، ارنايى كوميسسيا قازىرگى ۋاقىتتا تۇرعىن ءۇيدىڭ ودان ءəرى تۇرۋعا جارامدىلىعىن انىقتاۋ بويىنشا تەحنيكالىق تەكسەرۋلەر جۇرگىزۋدە.
