Kókshetaýda sý basý aımaǵynda qalǵan zardap shekken turǵyndarǵa pəter kiltteri tapsyryldy. Aqmola oblys ákimdiginiń málimetinshe, pəter kiltterin óńir basshysy Marat Ahmetjanov tabys etti, ol memleket zalaldy azaıtý úshin barlyq sharalardy qoldanyp jatqanyn atap ótti.
«Memleket basshysynyń tapsyrmasy boıynsha Aqmola oblysynda azamattardyń qaýipsizdigin qamtamasyz etý jəne olardyń qajettilikterin sheshý boıynsha úlken jumys júrgizilýde. Búgin siz pəter alǵan alǵashqy adam boldyńyz. Otbasylaryńyzda bəri jaqsy bolyp, qıynshylyqtar artta qalsyn», – dedi oblys ákimi Marat Ahmetjanov.
Memlekettik qordan alǵashqy turǵyn úı alýshylar Qaparovtar jəne Nıkýlınder kópbalaly otbasylary boldy. Alynǵan pəterlerdi turǵyndar ózderi tańdady. Pəterde turý úshin qajet nərseniń bəri bar.
«Prezıdentke bizdiń məselelerimizdi tez sheshkeni úshin alǵys aıtamyz. Bizdiń otbasymyz úshin bul úlken qýanysh, balalar rıza, barlyǵyna úlken rahmet. Biz óz tarapymyzdan osy úıde tek qýanyshty sətterdiń bolýyna tyrysamyz», – dep qýanyshymen bólisti Səýle Qaparova.
Memleket basshysynyń tapsyrmasy boıynsha Aqmola oblysynda zardap shekkenderge barlyq qajetti qoldaý kórsetiletinin jəne azamattardyń múlkin qalpyna keltirý boıynsha barlyq sharalar qoldanylyp jatqanyn atap ótken jón. Óńirde shyǵyndardy óteý jəne joıý jónindegi jumys turǵyn úı qatynastary týraly qoldanystaǵy zańnama sheńberinde jalǵastyrylatyn bolady.
Keshe oblys ortalyǵynyń 174 otbasy 65 mln teńgeden astam somaǵa birjolǵy tólem aldy. Sondaı-aq, materıaldyq shyǵyndardy baǵalaý jəne óteý jónindegi komıssııa 12 otbasyna 8 mln teńgeden astam kólemde materıaldyq zalaldy óteý týraly sheshim shyǵardy. Sonymen qatar, arnaıy komıssııa qazirgi ýaqytta turǵyn úıdiń odan əri turýǵa jaramdylyǵyn anyqtaý boıynsha tehnıkalyq tekserýler júrgizýde.
