الماتىدا موپەد جۇرگىزۋشىسى ەكى ايەلدى قاعىپ كەتتى، - دەپ حابارلايدى “ادىرنا” ۇلتتىق پورتالى.
الماتى پوليتسياسى جول اپاتىنىڭ 17 ءساۋىر كۇنى ساعات 11:50-دە المالى اۋدانىندا بولعانىن حابارلادى.
«2002 جىلى تۋعان موپەد جۇرگىزۋشىسى رايىمبەك داڭعىلىنىڭ بويىمەن شىعىس باعىتتا كەلە جاتىپ، الدىن الا بەلگىلەنبەگەن جەردە جولدى كەسىپ ءوتىپ بارا جاتقان 52 جانە 57 جاستاعى ەكى ايەلدى قاعىپ كەتكەن. جول-كولىك وقيعاسىن المالى اۋداندىق پوليتسيا ءبولىمىنىڭ قىزمەتكەرلەرى انىقتاپ جاتىر»، - دەدى پوليتسيادان.
ەستەرىڭىزگە سالا كەتەيىك، پارلامەنت موپەدتەردى كەيىننەن تىركەۋدەن وتكىزۋ تۋرالى جاڭا زاڭ جوباسىن قاراستىرىپ جاتىر.
