بيىل اقمولا وبلىسى جەڭىستىڭ 79 جىلدىعىنا وراي ۇلى وتان سوعىسى ارداگەرلەرىنە تولەنەتىن تولەم سوماسىن ۇلعايتتى. سوعىس ارداگەرلەرى 3 ميلليون تەڭگەدەن الادى. بۇگىنگى تاڭدا وبلىستا 6 ارداگەر تۇرادى.
جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ وڭىرلىك باسقارماسىنىڭ اقپاراتى بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەر دە 10-نان 30 ايلىق ەسەپتىك كورسەتكىش دەيىنگى مولشەردە تولەم الادى.
چەرنوبىل اتوم ەلەكتر ستانتسياسىنداعى اپاتتىڭ سالدارىن جويۋعا قاتىسقان ادامدارعا جانە باسقا مەملەكەتتەردىڭ اۋماعىنداعى سوعىس قيمىلدارىنىڭ ارداگەرلەرىنە 25 ايلىق ەسەپتىك كورسەتكىش مولشەرىندە تولەنەدى.
