قالا اكىمى ەربولات دوساەۆتىڭ باستاماسىمەن “الماتى – ءبىزدىڭ ورتاق ءۇيىمىز» ناۋقانىنىڭ ءبىرىنشى اپتاسى «ءبىزدىڭ قالا – ءبىزدىڭ كوشەلەر» اتاۋىمەن ءوتتى.
قالالىق قىزمەت پەن اۋدان اكىمدىكتەرى مەگاپوليستىڭ كوشە ينفراقۇرىلىمىن رەتكە كەلتىرۋ بويىنشا جۇمىس جۇرگىزدى.
ءبىرىنشى اپتادا 1250 ايالداما پاۆيلونىن جۋ، 59 جەر استى جانە جەر ءۇستى جاياۋ جۇرگىنشىلەر وتكەلىن تازالاۋ جانە سىرلاۋ، 165 باعدارشام نىسانىن جۋ جانە سىرلاۋ، 1690 جول بەلگىسىن سىرلاۋ جۇمىستارى جۇرگىزىلدى.
5570-تەن استام قوقىس جاشىگى، 2740 ورىندىق، جۇزدەگەن جارىقتاندىرۋ تىرەگى، كورسەتكىشتەر بويالىپ، جۋىلدى، قتق جيناۋعا ارنالعان 350 الاڭ جۋىلىپ، دەزينفەكتسيا جۇرگىزىلدى، كوپىر قورشاۋى بويالىپ، قيراعان كەسپەتاس جوندەلدى، جاڭبىر قابىلداعىشتار كوتەرىلدى جانە ت.ب. شارۋالار جاسالدى.
بۇعان قوسا، 17 000 شارشى مەتردەن استام اسفالتبەتون جابىنى بار جولدار اعىمداعى جوندەۋدەن ءوتتى، ونىڭ ىشىندە رايىمبەك، ساتباەۆ، بۇقار جىراۋ، تيميريازەۆ، رىسقۇلوۆ، مومىشۇلى، التىنسارين، مايلين، تالعار تراكتىسى، گاگارين، جاروكوۆ، مۇستافين جانە باسقا دا ماگيسترالدىق كوشەلەر بار. بۇل رەتتە، جوعارىدا اتالعان بارلىق جۇمىس ناۋقان بويى جالعاسادى.
ءبىرىنشى اپتانىڭ سوڭىندا ناۋقانعا قالا تۇرعىندارى دا بەلسەندى قاتىستى. تۇركسىب اۋدانىنداعى اۋەجاي كولىندە اكۆاپلوگگينگ بويىنشا جارىس ءوتتى.
جارىس باستالار الدىندا كول جاعاسىندا قوقىس جينالدى.
وسىدان كەيىن مۇندا بالالاردىڭ جىل سايىنعى ون ءبىرىنشى «كوكتەمگى ستارت» سۋ سپورت جارىستارى باستالدى.
ءىس-شاراعا 100-گە جۋىق ادام قاتىسادى. جەرگىلىكتى تۇرعىندار دا كول اۋماعىن تازارتۋعا كومەكتەسۋ ءۇشىن كەلدى.
جارىستىڭ نەگىزگى ماقساتى – تۇركسىب اۋدانىندا جاسوسپىرىمدەر اراسىندا سۋ ءتۋريزمىن ناسيحاتتاۋ جانە تۋريستىك الەۋەتتى اشۋ.
«قايسار» كومانداسىنىڭ قاتىسۋشىلارى ديماش سادۋاقاسوۆ پەن بەكسۇلتان نايزاباەۆ جارىسقا ەكىنشى جىل قاتىسىپ، سايىستاعى قارسىلاستارىن شاڭ قاپتىردى.
سونداي-اق، المالى اۋدانىندا ەسەنتاي وزەنىنىڭ جاعالاۋىن تازارتۋ بويىنشا ناۋقان ءوتتى. وعان اۋدان اكىمدىگىنىڭ قاتىسۋىمەن 300-دەن استام قوعامدىق، ەكولوگيالىق جانە ەرىكتىلەر ۇيىمدارىنىڭ وكىلدەرى، قاراپايىم قالا تۇرعىندارى قاتىستى. سونىمەن قاتار، جاعالاۋ اۋدانىنداعى سەرۋەندەۋ جولدارى مەن اللەيالاردا قورشاۋلاردى، ورىندىقتاردى، باسقا دا زاتتاردى سىرلاۋ جۇمىستارى جۇرگىزىلدى. بۇل اباي داڭعىلىنان رايىمبەك داڭعىلىنا دەيىنگى جاعالاۋ ۋچاسكەسىن قامتىدى.
«ءبىزدىڭ ەكولوگيالىق ۇيىمىمىز بۇگىن اكتسياعا جۇزگە جۋىق ادامدى جينادى. ستۋدەنتتەر، سونداي-اق قاراپايىم قالا تۇرعىندارى كەلدى. ءبىز قوقىستى ەكى توپقا سۇرىپتايمىز. قايتا وڭدەۋگە جىبەرۋگە بولاتىن نارسەنى ءبىز ءار تۇرلەرگە بولەمىز: پلاستيك، شىنى، اليۋميني. سودان كەيىن ولاردى قوقىس قالدىقتارىن قايتا وڭدەيتىن كومپانياعا جىبەرەمىز. بۇگىندە الماتىلىقتاردىڭ بويىندا تازالىق مادەنيەتىن جانە قالدىقتاردى بولەك جيناۋدى قالىپتاستىرۋ وتە ماڭىزدى»، - دەيدى كاميلا.
ەكوبەلسەندىلەر قالا اكىمدىگىنىڭ «الماتى – ءبىزدىڭ ورتاق ءۇيىمىز» ناۋقانىنا قاتىسۋعا شاقىرۋىن زور ىقىلاسپەن قابىلدادى. اكتسياعا قاتىساتىن قالالىق قىزمەتتەر بارلىق قاتىسۋعا ءارتۇرلى قاجەتتى ماتەريالدار ۇسىندى.
جالپى قالالىق تازالىق اكتسياسىنا الماتى پراۆوسلاۆيەلىك تەولوگيالىق سەمينارياسىنىڭ وقۋشىلارى دا اتسالىستى. تازالىققا 20 ادام قاتىستى.
«ءبىزدىڭ رۋحاني مەكەمەنىڭ اتىنان ءاربىر اتا-انانىڭ ۇرپاعىنا تازالىقتىڭ دەنساۋلىق كەپىلى ەكەنى تۇرعىسىنان تاربيە بەرەتىنى مەن ەرەكشە اتاپ وتكىم كەلەدى. بىرىنشىدەن، بۇل ءوزىمىزدى باعالاۋ ءارى اينالا قورشاعان وتانى بارىنششا تازا ۇستاۋ. الماتى-ءبىزدىڭ ورتاق ءۇيىمىز، ونىڭ تۇرعىندارىنىڭ ءبارى ءوز ءۇيىنىڭ تازا ءارى كەلبەتتى بولعانىن قالايدى ءارى وعان ءوز ۇلەسىن قوسۋعا مىندەتتى. بۇرىن ءبىزدىڭ سەميناريامىز دوروجنيك شاعىن اۋدانىندا ورنالاسقان بولاتىن جانە ءار سەنبى سايىن ءبىز سەنبىلىكتەر وتكىزەتىنبىز. ءبىز ءوزىمىز ورنالاسقان ايماقتى بارىنشا تازا ۇستاۋعا ۇمتىلامىز. ويتكەنى تازا كوشەمەن ءجۇرۋ، وقۋعا بارۋ كوڭىلىڭدى كوتەرەدى. ءبىز ءوز ءىسىمىز ارقىلى وزگەلەرگە ۇلگى كورسەتەمىز. تازالىق- دەنساۋلىق كەپىلى، مۇنى ءبارىمىز ەستە ساقتاۋعا ءتيىسپىز. ەگەر كەلە جاتقان جولىڭىزدا قوقىستى كورسەڭىز، ونى جەردەن الىپ، كونتەينەرگە تاستاڭىز. ءبىز كەز كەلگەن تازالىق اكتسياسىنا قالا تۇرعىندارىنىڭ بەلسەدى قاتىسقانىن قالايمىز. تازالىقتى قالىپتاستىرۋ ءوز قولىمىزدا»، – دەدى الماتى پراۆوسلاۆيەلىك-تەولوگيالىق سەميناريانىڭ 5-ءشى كۋرس تۇلەگى گەورگي تكاچەنكو.
ناۋقاننىڭ ەكىنشى اپتاسى 15-21 ءساۋىر ارالىعىندا «ءبىزدىڭ قالا – ءبىزدىڭ اۋلا، ءبىزدىڭ ءۇي» اتاۋىمەن وتەدى. بۇل كوشەتتەردى وتىرعىزۋ كەزەڭى، اۋلالار مەن ويىن الاڭدارى جوندەلىپ، رەتكە كەلتىرىلەدى. اۋلالار مەن شاعىن باقتاردى كوگالداندىرعىسى كەلەتىندەرگە كوشەت، جەكە ۇيلەردىڭ قورشاۋىن سىرلاعىسى كەلەتىندەرگە بوياۋ بەرىلەدى. مەكەنجايى، جۇمىس ءتۇرى مەن تەلەفون ءنومىرى كورسەتىلگەن ورىنداردىڭ تىزبەسى الماتى اكىمدىگىنىڭ www.اlmaty.kz رەسمي سايتىندا جاريالانعان.
