Delta Bank پەن قازينۆەستبانكتىڭ بۇرىنعى ءىرى اكتسيونەرى نۇرلان تىلەۋباەۆ 10 جىلعا باس بوستاندىعىنان ايىرىلدى، دەپ حابارلايدى “ادىرنا” ۇلتتىق پورتالى ەلوردا سوتىنىڭ ءباسپاسوز قىزمەتىنە سىلتەپ.
ۇكىمدى 19 شىلدەدە استانانىڭ قىلمىستىق ىستەر جونىندەگى اۋدانارالىق سوتى شىعاردى.
قك-ءنىڭ 190-بابى، 4-بولىگى، 2-تارماعى بويىنشا Delta Bank ءىرى اكتسيونەرى، Forbes قازاقستاندىق ءتىزىمىنىڭ ەكس-وليگارحى جانە قازاقستان استىق وداعىنىڭ بۇرىنعى توراعاسى نۇرلان تىلەۋباەۆ 10 جىلعا باس بوستاندىعىنان ايىرىلدى.
سوتتىڭ مالىمەتىنشە، تىلەۋباەۆ Delta Bank اكتسيالارىنىڭ ءىرى پاكەتىن يەلەنگەن جانە قۇرامىنا 140 فيرما كىرەتىن كومپانيالار توبىن باسقارعان (وليگارحتىڭ نەگىزگى اكتيۆتەرى «اليبي حولدينگى» جشس، «استىق ساقتاندىرۋ كومپانياسى» اق جانە «اوك-ينۆەست كورپوراتسياسى» جشس).
2015 جىلى ول مەملەكەتتىك اقشانى — ۇلتتىق كومپانيالاردىڭ بىرىنە تيەسىلى 4 ملرد تەڭگەدەن استام سومانى يەمدەندى.
«اقشا بانككە «اگروبيزنەس-2020» باعدارلاماسى بويىنشا ءتۇستى. تىلەۋباەۆ بۇل قاراجاتتى قارجى ۇيىمىنىڭ شوتتارىنان نەسيەلەردى قايتا قارجىلاندىرۋ سىلتاۋىمەن ونىڭ باقىلاۋىنداعى كومپانيالارعا اۋدارىپ جىبەرگەن.
ول ءۇشىن ول جالعان استىق ساتىپ الۋ-ساتۋ شارتتارىن قولداندى. كەپىلگە ول 76 مىڭ توننا استىققا قولحات، 4,8 ملرد تەڭگەگە اقشالاي مىندەتتەمەلەر جانە سقو-دا جالپى اۋدانى 16,5 مىڭ گەكتاردان استام جەر تەلىمدەرىن بەردى»، - دەلىنگەن اقپاراتتا.
سوتتالۋشىنىڭ كىناسى جابىرلەنۋشىلەردىڭ، كۋاگەرلەردىڭ، ماماننىڭ ايعاقتارىمەن، ساراپتامالار مەن اۋديتوردىڭ قورىتىندىلارىمەن دالەلدەندى.
«سوت ۇكىمىمەن تىلەۋباەۆ قك-ءنىڭ 190-بابى، 4-بولىگى، 2-تارماعى بويىنشا كىنالى دەپ تانىلدى جانە 9 جىل مەرزىمگە كوممەرتسيالىق جانە قارجى ۇيىمدارىندا ماتەريالدىق جاۋاپتى جانە باسشىلىق لاۋازىمداردى اتقارۋعا بايلانىستى قىزمەتپەن اينالىسۋ قۇقىعىنان ايىرا وتىرىپ، 6 جىل 8 ايعا باس بوستاندىعىنان ايىرىلدى.
قك-ءنىڭ 56-بابىنىڭ، 6-بولىگىنىڭ نەگىزىندە وسى ۇكىم بويىنشا تاعايىندالعان قاتاڭ جازانى المالى اۋداندىق سوتى 2023 جىلعى 26 ماۋسىمدا تاعايىنداعان نەعۇرلىم قاتاڭ جازامەن اتقارۋ جولىمەن قىلمىستىق قۇقىق بۇزۋشىلىقتار جيىنتىعى بويىنشا ت. قارجى ۇيىمىنىڭ، بانك جانە ساقتاندىرۋ حولدينگىنىڭ باسشى قىزمەتكەرى لاۋازىمىن اتقارۋعا جانە قارجى ۇيىمىنىڭ ءىرى قاتىسۋشىسى ء(ىرى اكتسيونەرى) بولۋعا ءومىر بويى تىيىم سالا وتىرىپ، قارجى جانە كوممەرتسيالىق ۇيىمداردا 10 جىل مەرزىمگە ماتەريالدىق جاۋاپتى جانە باسشى لاۋازىمداردى اتقارۋ قۇقىعىنان ايىرا وتىرىپ، 10 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى»، - دەلىنگەن استانا سوتىنىڭ حابارلاماسىندا.
ۇكىم زاڭدى كۇشىنە ەنگەن جوق.
2023 جىلدىڭ ماۋسىم ايىندا الماتىداعى سوت تىلەۋباەۆتى كولونياعا جابۋ تۋرالى 10 جىلعا ۇكىم شىعارعاندىقتان، ول ءۇشىن ناقتى جازا ءدال وسى مەرزىم بولىپ قالدى.
