الماتىدا «المالى پلەنەرى – المالىداعى كوكتەم» اتتى بىرەگەي سۋرەت بايقاۋى ءوتتى.
اباي اتىنداعى قازاق ۇلتتىق وپەرا جانە بالەت تەاترىنىڭ الدىنداعى الاڭ بىرنەشە ساعات بويى اشىق اسپان استىنداعى ۇلكەن شەبەرحاناعا اينالدى. اۋقىمدى شىعارماشىلىق بايقاۋعا بارلىق جاستاعى وقۋشى قاتىستى، ولاردىڭ بارلىعى «دامۋ بالا» دامىتۋشى بالالار ورتالىعىندا كوركەمدىك شەبەرلىك دارىستەرىنە قاتىستى.
شىعارماشىلىق ۇدەرىستى «دامۋ بالا» ورتالىقتارىنىڭ پەداگوگتارى عانا ەمەس، المالى اۋدانى اكىمىنىڭ ورىنباسارى اينۇر بەكجانوۆانىڭ توراعالىعىمەن قازىلار القاسى دا قاداعالادى. جۇرگەنوۆ اتىنداعى قازاق ۇلتتىق ونەر اكادەمياسىنىڭ، سونداي-اق قاستەەۆ اتىنداعى ونەر جانە ديزاين مەكتەبىنىڭ پەداگوگتارى سىندى ءوز ءىسىنىڭ حاس شەبەرلەرى جۇمىسقا باعا بەردى.
بايقاۋدى ۇيىمداستىرۋشىلار – المالى اۋدانى اكىمىنىڭ اپپاراتى جانە «دامۋ بالا» پلاتفورماسى.
بايقاۋ ءۇش جاس ساناتى بويىنشا ءوتتى. بارلىق قاتىسۋشى ديپلومدار مەن كوركەم جيناقتارى بار شوپپەرلەر الدى.
بايقاۋ فيناليستەرىنە كاسىبي سۋرەت جيىنتىقتارى بار سۋرەتشىلەرگە ارنالعان ارنايى سومكەلەر تابىستالدى.
قازىلار القاسى ءۇش جاس توبىندا ەكى «ءمۇسىن» جانە «كوركەم سۋرەت» نوميناتسيالارى بويىنشا فيناليستەردى تاڭدادى.
1-3 ورىن ءۇشىن 15 ادام نوميناتسيالار بويىنشا جۇلدەگە يە بولدى.
