بۇۇ باس حاتشىسى يراننىڭ شابۋىلىن ايىپتادى، دەپ حابارلايدى "ادىرنا" ءتىلشىسى Tengrinews.kz-كە سىلتەپ.
باس حاتشى انتونيۋ گۋتەرريش قاقتىعىستاردى دەرەۋ توقتاتۋعا شاقىردى.
گۋتەرريش بۇكىل ايماقتاعى دەسترۋكتيۆتى شيەلەنىستىڭ ايشىقتى قاۋپىنە تەرەڭ الاڭداۋشىلىق ءبىلدىردى. باس حاتشى بارلىق تاراپتاردى تاياۋ شىعىستاعى كوپتەگەن مايدانداردا ءىرى اسكەري قاقتىعىسقا اكەلەتىن كەز كەلگەن ارەكەتتەردەن اۋلاق بولۋ ءۇشىن بارىنشا ۇستامدى بولۋعا شاقىردى.
"مەن ايماقتىڭ دا، الەمنىڭ دە باسقا سوعىستى كوتەرە المايتىنىن بىرنەشە رەت اتاپ ءوتتىم", - دەپ قورىتىندىلادى بۇۇ باسشىسى.
باق بەتتەرىندە يران يزرايل باعىتىندا ۇشقىشسىق دروندار شابۋىلىن جاساعانى جاريالانعان. وسىعان بايلانىستى گەرمانياداعى يراننىڭ بۇرىنعى ەلشىسى سەيەد حوسسەين مۇساۆيان يزرايل يرانعا جاۋاپ بەرسە، ايماقتا سوعىس بولماي قويمايتىنىن ايتقان.
"يراننىڭ قازىرگى كەك الۋى سوڭى بولۋى كەرەك. ەگەر يزرايل يرانعا شابۋىلىن قايتالاسا جانە اقش يزرايلگە قوسىلسا، ايماقتىق سوعىس ءسوزسىز بولادى", - دەدى مۋساۆيان.
