سورلىلىق!
شەت ەلدىك جۇمىسشىلار بىزدەن بەس ەسە ايلىق الادى!
قانشا جىلدان بەرى وسى پروبلەمانى جازىپ كەلە جاتىرمىن. ءبىر دە ءبىر سايت، بىردە -ءبىر تەلەارنا ءمان بەرمەگەن ەدى. ءتوسىن كورسەتكەن قىزدار شىقسا جارىسا جازاتىن سايتتار، بۇگىن عانا كورگەندەي تاڭدانا جازۋدا!
قازاق جىگىتتەرىنىڭ، قازاق حالقىنىڭ قۇقىعى تاپتالىپ جاتقاندىعى، 2011 جىلى بولعان جاڭاوزەن كوتەرىلىسى وسى تەڭسىزدىكتەن باستالعان. ول ءالى جالعاسىن تابۋدا. 2017 جىلعى استاناداعى ۇندىستەر مەن قازاقتاردىڭ تەكە تىرەسىدە وسىنداي تەڭسىزدەكتەن بولعان. كەشەگى اتىراۋداعى تەڭىز وقيعاسىدا ءتۇبى الەۋمەتتىك تەڭسىزدىك!
قىزىلوردا وبلىسىنداعى "سيبۋ" قىتاي كومپانياسىنداعى، ماعان ارىزدانىپ كەلگەن جىگىتتەردىڭ بارلىعىن جۇمىستان شىعارىپ جىبەرگەن. سەبەبى ولار ءوز قۇقىقتارىن تالاپ ەتكەن. ايلىقتارىن 60 مىڭ تەڭگەدەن 150 تەڭگە كوتەرۋدى، " قىتايلار 4500 تەڭگەگە تاماق جەيدى،ءبىز 950 تەڭگەگە تاماق جەيمىز، ايگۇل اپكە ادىلدىك قايدا؟"-دەگەن ەدى. اپتالداي ەر ازاماتتارمىزدىڭ باسىن سالبىراتىپ قويعان سورلى جۇيە! ءوزىمىزدى وزگە ەلدىڭ الدىندا ۇلتاراق قىلعان سورلى زاڭ! ۇلتىمىزدى قاشانعا دەيىن وسىلاي قورلاماقشىڭدار؟
مەن دە بۇنداي شاعىمدار وتە كوپ. قازاق جىگىتتەرىنىڭ باسىن تومەن سالبىراتىپ قويعان بۇل بيلىككە نە ايتۋعا بولادى؟ "قاتىندارىڭا يە بولىڭدار"- دەيدى! قاتىنىڭا قالاي يە بولاسىڭ،تاباتىن ايلىعىڭ تاماعىڭا جەتپەيدى. اقشا سۇراساڭ، بيلىك اۋىزىڭنان ۇرسا، ۇيگە كەلسەڭ "سەن ەركەك ەمەسسىڭ، اقشاڭ جوق تاۋىپ جاتقان"- دەپ قاتىنىڭ ايقايلاسا. ەر ازاماتتارىمىز كوتەرىلمەگەندە، كىم كوتەرىلەدى؟ ءوز قۇقىقتارىن تالاپ ەتسە، ۇلتارازدىق قوزدىرىپ جاتسىڭ دەپ تاعى قۋدالايدى! سوندا باسىن قۇمعا تىققان ستراۋستار سياقتى، ەر ازاماتتارىمىز ەشتەڭە سۇراماي وتىرا بەرۋ كەرەك پە؟ ەگەر ۇيدەگى ەركەك جاقسى ايلىق الىپ وتىرسا، ۇيدەگى قاتىندارىنا يە بولاتىن ەدى. قۇر جەتىسپەۋشىلىك سول ايەلدى تۇزگە شىعارىپ، ە قاتىنعا، ە بالا شاعاعا يە بولا الماي وتىرعان جوق پا؟
بۇكىل قازبا بايلىعىمىزدى بەرگەنىمىز ازداي، ءوز حالقىن قۇلدىققا بەرىپ قويعان سورلى ەل تەك قانا ءبىز شىعار!
ايگۇل ورىنبەك
"ادىرنا" ۇلتتىق پورتالى
