Sorlylyq!
Shet eldik jumysshylar bizden bes ese aılyq alady!
Qansha jyldan beri osy problemany jazyp kele jatyrmyn. Bir de bir saıt, birde -bir telearna mán bermegen edi. Tósin kórsetken qyzdar shyqsa jarysa jazatyn saıttar, búgin ǵana kórgendeı tańdana jazýda!
Qazaq jigitteriniń, qazaq halqynyń quqyǵy taptalyp jatqandyǵy, 2011 jyly bolǵan Jańaózen kóterilisi osy teńsizdikten bastalǵan. Ol áli jalǵasyn tabýda. 2017 jylǵy Astanadaǵy úndister men qazaqtardyń teke tireside osyndaı teńsizdekten bolǵan. Keshegi Atyraýdaǵy Teńiz oqıǵasyda túbi áleýmettik teńsizdik!
Qyzylorda oblysyndaǵy "Sıbý" qytaı kompanııasyndaǵy, maǵan aryzdanyp kelgen jigitterdiń barlyǵyn jumystan shyǵaryp jibergen. Sebebi olar óz quqyqtaryn talap etken. Aılyqtaryn 60 myń teńgeden 150 teńge kóterýdi, " qytaılar 4500 teńgege tamaq jeıdi,biz 950 teńgege tamaq jeımiz, Aıgúl ápke ádildik qaıda?"-degen edi. Aptaldaı er azamattarmyzdyń basyn salbyratyp qoıǵan sorly júıe! Ózimizdi ózge eldiń aldynda ultaraq qylǵan sorly zań! Ultymyzdy qashanǵa deıin osylaı qorlamaqshyńdar?
Men de bundaı shaǵymdar óte kóp. Qazaq jigitteriniń basyn tómen salbyratyp qoıǵan bul bılikke ne aıtýǵa bolady? "Qatyndaryńa ıe bolyńdar"- deıdi! Qatynyńa qalaı ıe bolasyń,tabatyn aılyǵyń tamaǵyńa jetpeıdi. Aqsha surasań, bılik aýyzyńnan ursa, úıge kelseń "sen erkek emessiń, aqshań joq taýyp jatqan"- dep qatynyń aıqaılasa. Er azamattarymyz kóterilmegende, kim kóteriledi? Óz quqyqtaryn talap etse, ultarazdyq qozdyryp jatsyń dep taǵy qýdalaıdy! Sonda basyn qumǵa tyqqan straýstar sııaqty, er azamattarymyz eshteńe suramaı otyra berý kerek pe? Eger úıdegi erkek jaqsy aılyq alyp otyrsa, úıdegi qatyndaryna ıe bolatyn edi. Qur jetispeýshilik sol áıeldi túzge shyǵaryp, e qatynǵa, e bala shaǵaǵa ıe bola almaı otyrǵan joq pa?
Búkil qazba baılyǵymyzdy bergenimiz azdaı, óz halqyn quldyqqa berip qoıǵan sorly el tek qana biz shyǵar!
Aıgúl Orynbek
"Adyrna" ulttyq portaly
