الماتىلىق كاسىپكەرلەر Instagram پاراقشاسىنا بيىل 8 ساۋىردە باستالعان «الماتى - ءبىزدىڭ ورتاق ءۇيىمىز» ناۋقانىنا قاتىسۋعا شاقىرعان بەينە ۇندەۋ جاريالادى.
ديزاينەر جانە كاسىپكەر ايدا قاۋمەنوۆا كومانداسىمەن بىرگە «الماتى – ءبىزدىڭ ورتاق ءۇيىمىز» باستاماسىنا قوسىلعانىن ايتىپ، جاقىندا جاڭا كەڭسەگە كوشكەنىن جانە ەڭ اۋەلى ارىپتەستەرىمەن بىرگە ىرگەلەس اۋماقتى تازارتقانىن اتاپ ءوتتى.
«سىزدەردى دە كەڭسەڭىز بەن ءۇيىڭىزدىڭ اينالاسىن تازالاۋعا شاقىرامىن. جاننىڭ تازالىعى – اينالانىڭ تازالىعى مەن نيەتتىڭ تازالىعى. ەگەر ءاربىرىمىزدىڭ نيەتىمىز بەن ءىس-ارەكەتىمىز تازا بولسا، قالامىز دا تازا بولادى، كوركەيەدى!»،- دەدى ول بەينە حابارلامادا.
«الماتى كوپىر كونسترۋكتسيالارى زاۋىتى» جشس ەڭ ءىرى جول-قۇرىلىس كاسىپورنى دا ءوزىنىڭ پاراقشاسىنا ناۋقانعا قاتىسۋعا ۇندەدى:
«بيىل وڭتۇستىك استانادا «الماتى – ءبىزدىڭ ورتاق ءۇيىمىز» اتتى تازالىق ايى باستالدى. بيىل ازمك Group حولدينگىنىڭ اۋماعىندا 80-نەن استام قىلقان جاپىراقتى جانە جەمىس اعاشتارى وتىرعىزىلدى. 200-دەن استام جاسىل كەڭىستىكتى وتىرعىزۋ جوسپارلانعان. سونىمەن قاتار، وسى ايدا كوكتەمگى تازالىق بويىنشا ءىس-شارالار جوسپارى جاسالدى. قۇرمەتتى الماتىلىقتار، سىزدەردى دە اتسالىسۋعا، تابيعاتتى قورعاۋعا جانە تۋعان قالامىزدىڭ يگىلىگى ءۇشىن تازالىق ساقتاۋعا شاقىرامىز!»،- دەدى زاۋىت قىزمەتكەرلەرى قالا تۇرعىندارىنا.
الاشا مەيرامحاناسىنىڭ وكىلى تۇرعىنداردى وسى باستاماعا قاتىسۋعا شاقىرادى:
«قالامىزدىڭ دامۋىنا اركىم ۇلەس قوسا الادى!» - دەدى ول.
«Sungroup Asia» مەيرامحانا حولدينگى دە قالىس قالمادى:
«قۇرمەتتى الماتى تۇرعىندارى، سىزدەردىڭ جينالىپ، قالانىڭ اسەمدىگىن ساقتاۋعا ۇلەس قوسۋعا مۇمكىندىكتەرىڭىز بار! ءبىزدىڭ قاتارعا قوسىلىڭىز!» - دەدى مەيرامحانا قىزمەتكەرى.
Ordamed.kz كومپانياسىنىڭ كومانداسى دا يدەيانى قولداپ، ارىپتەستەرى مەن سەرىكتەستەرىنە ۇندەۋ جولدادى:
«الماتى – ءبىزدىڭ ورتاق ءۇيىمىز» ناۋقانىنىڭ باستى ماقساتى: ورتاق ۇيىمىزگە، قالامىزعا مادەنيەت پەن تازالىقتى ءسىڭىرۋ، ونى ءاربىرىمىز جاساي الامىز. ءبىزدىڭ ءاربىرىمىز وسى اسەم قالانىڭ ءبىر بولىگى ەكەنىمىزدى جانە ءبىزدىڭ مىنەز-قۇلىق مادەنيەتىمىز ونىڭ كەلبەتىن انىقتايتىنىن ەستە ۇستاعان ءجون. سوندىقتان دورەكىلىك تانىتپاي، ءبىر-بىرىمىزگە قۇرمەتپەن قارايىق. ءبىز بىرىگىپ اركىم ءوزىن ماڭىزدى ءارى قۇرمەتتى سەزىنەتىن قوعام قۇرا الامىز»، - دەدى كومپانيا قىزمەتكەرلەرى.
Mega Park كومپانياسى دا ارىپتەستەرىنىڭ پىكىرىمەن كەلىسەدى.
«كوكتەم – بۇل ءۇيدى، اۋلانى جانە كوشەنى رەتكە كەلتىرۋ ۋاقىتى. MEGA Park سوو «الماتى – ءبىزدىڭ ورتاق ءۇيىمىز» ناۋقانىن قولدايدى. ءبىر اي بويى ءىس-شارالار وتەدى، سونىڭ ارقاسىندا ءبىزدىڭ قالا جاقسى، تازا، ادەمى بولادى. ناۋقاندى قولداپ، قالانى تازا ۇستايىق!» - دەدى كومپانيا وكىلى.
ەستەرىڭىزگە سالا كەتەيىك، الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانى دامىتۋ مەن كوركەيتۋگە ۇلەس قوسا الادى.
تولىق اقپارات almaty.kz سايتىندا جانە الماتى اكىمدىگىنىڭ الەۋمەتتىك جەلىدەگى پاراقشالارىندا جاريالانعان. سونداي-اق قالا بويىنشا ورنالاستىرىلعان باننەرلەر، پلاكاتتار مەن افيشالاردا كورسەتىلگەن QR-كود ارقىلى ۆەب-سايتقا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر:
#الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.
