رەسەيدىڭ ورىنبور وبلىسى ورىنبور اۋدانىنداعى جايىق وزەنىندە سۋ دەڭگەيى 1054 سم-گە دەيىن كوتەرىلدى. بۇل تۋرالى بۇگىن ورىنبور وبلىسىنىڭ ۇكىمەتى ءوزىنىڭ Telegram كانالىندا جازدى، دەپ حابارلايدى “ادىرنا” ۇلتتىق پورتالى.
«11 ءساۋىر كۇنى ساعات 06:00-دەگى جاعداي بويىنشا جايىق وزەنىندەگى سۋ دەڭگەيى 1054 سم قۇرايدى»، - دەلىنگەن اۋدان اكىمدىگى تاراتقان حابارلامادا.
بۇعان دەيىن جايىقتىڭ رەسەي بولىگىندە بوگەت بۇزىلىپ، تۇرعىنداردى ەۆاكۋاتسيالاۋ باستالعانى تۋرالى حابارلانعان بولاتىن. قر توتەنشە جاعدايلار مينيسترلىگىنەن رف توتەنشە جاعدايلار مينيسترلىگىندەگى ارىپتەستەرىمەن تىكەلەي بايلانىستا بولىپ، جاعدايدى قاداعالاپ وتىرعانىن مالىمدەدى.
وسىعان بايلانىستى جاعدايدى باقىلاۋ جانە بولۋى مۇمكىن توتەنشە جاعدايلارعا جەدەل دەن قويۋ ماقساتىندا قالانىڭ جەدەل قىزمەتتەرى كۇشەيتىلگەن رەجيمگە كوشىرىلدى.
بۇعان دەيىن ورىنبور وبلىسىنداعى جاعدايعا توتەنشە جاعدايلار مينيسترلىگى باسشىسىنىڭ ۇسىنىسىمەن فەدەرالدىق اۋقىمداعى توتەنشە جاعداي مارتەبەسى بەرىلگەن بولاتىن.
كوكتەمگى سۋ تاسقىنىنان رەسەيدىڭ 39 وبلىسى زارداپ شەكتى. ەڭ كوپ زارداپ شەككەن ورىنبور وبلىسى، 5 ساۋىردە ورسك قالاسىندا ورنالاسقان بوگەت بۇزىلىپ، مىڭداعان ءۇي مەن ۋچاسكەنى سۋ باسىپ قالدى.
