شاحتينسك قالاسىندا كوپقاباتتى ءۇيدىڭ بالكونىنان ايەل ادام قۇلاپ قازا تاپتى، دەپ حابارلايدى "ادىرنا" ءتىلشىسى ekaraganda.kz-كە سىلتەپ.
8 ساۋىردە شاحتينسك قالاسىندا ءۇيدىڭ سەگىزىنشى قاباتىنىڭ بالكونىنان ايەل قۇلاپ كەتكەن. قاراعاندى وبلىسىنىڭ توتەنشە جاعدايلار دەپارتامەنتىنە پوليتسيا قىزمەتكەرىنەن قوڭىراۋ تاڭعى ساعات 9:08-دە كەلىپ تۇسكەن.
تجد حابارلاۋىنشا، ءورت سوندىرۋشىلەر تۇرعىن ۇيگە ارنايى تەحنيكامەن باسپالداق ورناتىپ جاتقان. الايدا ولار ايەلدى قۇتقارىپ ۇلگەرمەگەن. بەلگىلى بولعانداي، بالكوننان قۇلاپ كەتكەن ايەل 44 جاستا بولعان.
«8 ساۋىردە شاحتينسك قالاسىندا كوپقاباتتى ۇيلەردىڭ بىرىندە 44 جاستاعى ايەل جوعارعى قاباتتا ورنالاسقان بالكوننان سەكىرىپ كەتكەن. ول توعىزىنشى قاباتتان سەگىزىنشى قاباتتىڭ بالكونىنا قورشاۋ ۇستىنە كوتەرىلىپ، سودان كەيىن سول جەردەن قۇلاعان. سالدارىنان ومىرگە سايكەس كەلمەيتىن دەنە جاراقاتىن الىپ، قايتىس بولدى»، - دەپ حابارلادى ۆەدومستۆودان.
وسى وقيعادان تاراعان ۆيدەودا ءۇيدىڭ اۋلاسىندا ارنايى تەحنيكانىڭ تۇرعانى كورىنەدى. ونىڭ ماعايىندا بىرنەشە قۇتقارۋشىنىڭ جايباراقات قيمىلداپ جۇرگەنىن بايقاۋعا بولادى. ازارگە وقيعانىڭ جاي-جاپسارى تولىق حابارلانبادى.
