قوستاناي وبلىسىنداعى ءبىر قالا مەن ەكى اۋداندا توتەنشە جاعداي جاريالاندى. بۇل تۋرالى 28 ناۋرىزدا وبلىستىق توتەنشە جاعدايلار قىزمەتى مالىمدەدى، دەپ حابارلايدى “ادىرنا” ۇلتتىق پورتالى
«قوستاناي وبلىسىنىڭ اۋماعىندا ارقالىق قالاسى، امانگەلدى جانە جانگەلدى اۋداندارىندا توتەنشە جاعداي جاريالاندى»، - دەلىنگەن ۆەدومستۆو حابارلاماسىندا.
28 ناۋرىزداعى جاعداي بويىنشا قوستاناي وبلىسىندا 434 ادام قۇتقارىلدى:
ارقالىق قالاسى – 307 ادام;
امانگەلدى اۋدانى – 37 ادام;
جانگەلدين اۋدانى – 90 ادام.
ايتا كەتەيىك، 28 ناۋرىزعا قاراعان ءتۇنى وبلىستا قىزىل جۇلدىز، ەكىدىڭ، اققىسى، قىزىلجۇلدىز اۋىلدارى مەن توعىز قىستاۋداعى تۇرعىنداردى ەۆاكۋاتسيالاۋ بويىنشا جەدەل-قۇتقارۋ وپەراتسياسى جۇرگىزىلدى. سۋ تاسقىنىنان زارداپ شەككەندەر تىكۇشاقپەن ارقالىق قالاسىنداعى ەۆاكۋاتسيالاۋ پۋنكتتەرىنە جەتكىزىلدى.
اۆاريالىق-قۇتقارۋ جۇمىستارىن جۇرگىزۋگە كومەكتەسۋ ءۇشىن شىعىس قازاقستان وبلىسى توتەنشە جاعدايلار دەپارتامەنتىنىڭ كۇشتەرى مەن قۇرالدارى ارقالىق قالاسىنا جىبەرىلدى.
27 ناۋرىزدا قۇتقارۋشىلار مي-8 تىكۇشاعىمەن ەرىگەن سۋ باسقان قىستاۋلارىنان 12 ادامدى ەۆاكۋاتسيالادى.
