وڭىردە تاسقىن جاعدايى كۇردەلەنىپ بارادى. بۇگىن تاڭەرتەڭ سەرگەەۆ سۋ قويماسىندا اسىپ توگىلۋ 415 سم قۇرادى. بۇل تۋرالى سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆ الەۋمەتتىك جەلىدە جازدى، دەپ حابارلايدى “ادىرنا” ۇلتتىق پورتالى.
"وڭىردە تاسقىن جاعدايى كۇردەلى بولىپ بارادى. بۇگىن تاڭەرتەڭ سەرگەەۆ سۋ قويماسىندا اسىپ توگىلۋ 415 سم قۇرادى. 2017 جىلعى تاسقىننىڭ كورسەتكىشتەرىنەن الدەقايدا اسىپ ءتۇستى. سوندىقتان، ەلدى-مەكەندەر مەن وبلىس ورتالىعىن سۋدان قورعاۋ ءۇشىن كۇنى-ءتۇنى ءىس-قيمىلدار جاسالۋدا. ەڭ باستىسى تۇرعىنداردى قاۋىپسىز جەرگە كوشىرۋ جانە مۇلىكتى ساقتاۋعا، ۇلكەن سۋدىڭ كەلە جاتقانى تۋرالى دەر كەزىندە اقپارات بەرۋگە كوپ كوڭىل ءبولۋ كەرەك", – دەپ جازدى سقو اكىمى عاۋەز نۇرمۇحامبەتوۆ.
وبلىستا مەملەكەت باسشىسىنىڭ تاپسىرماسىنا ساي جۇمىس بابىمەن پرەمەر-ءمينيستردىڭ ءبىرىنشى ورىنباسارى رومان سكليار ءجۇر. ءبىرىنشى ۆيتسە-پرەمەر تاسقىن جاعدايىنا بايلانىستى جينالىس وتكىزدى، ستراتەگيالىق ماڭىزى بار نىساندار مەن بوگەتتەردىڭ جاعدايىن تەكسەردى.
