2 تامىزدا قازاقستاننىڭ ءۇش قالاسىندا قولايسىز مەتەورولوگيالىق جاعداي ساقتالادى، - دەپ حابارلايدى "ادىرنا" ءتىلشىسى.
سينوپتيكتەر مالىمەتىنشە، دۇيسەنبىدە الماتى، اقتوبە، اتىراۋ قالالارىندا قولايسىز مەتەورولوگيالىق جاعدايعا بايلانىستى اۋانىڭ لاستانۋى كۇتىلەدى. بۇل قالالاردا اۋا رايى اتموسفەرادا لاستاۋشى زاتتاردىڭ جينالۋىنا ىقپال ەتەدى.
قولايسىز اۋا رايى جاعدايلارى – اتموسفەرالىق اۋانىڭ بەتكى قاباتىندا زيان (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىنىق، جەل، تۇمان، ينۆەرسيا) جيىنتىعى.
قولايسىز اۋا رايىندا مىنا ساقتىق شارالارى ۇسىنىلادى:
- اشىق اۋادا، اسىرەسە تاسجولدار نەمەسە باسقا لاستاۋشى كوزدەر ماڭىندا ۋاقىت وتكىزۋدى قىسقارتۋ;
- بالالار مەن جۇكتى ايەلدەر دالادا ۇزاق سەرۋەندەۋدەن اۋلاق بولۋ كەرەك;
- سوزىلمالى وكپە اۋرۋلارى، جۇرەك-قان تامىرلارى، اللەرگيالىق اۋرۋلاردان زارداپ شەگەتىن ادامدار دالادا
- جۇرگەندە قاجەتتى ءدارى-دارمەكتەرى بولۋى كەرەك;
- اشىق اۋادا فيزيكالىق بەلسەندىلىكتى شەكتەۋ;
- دەنە شىنىقتىرۋ جانە سپورتتىق ءىس-شارالاردى جابىق سپورت كەشەندەرىندە وتكىزۋ.
