ء"بىز ارىسپەن بىرگەمىز" اكتسياسى اياسىندا ارىس قالاسى ءالىبي جانگەلدين اتىنداعى مەكتەپتە، الماتى قالاسى "StartTimە" جشس-ءنىڭ باستاماسىمەن "مەكتەپكە دايارلىق" اتتى 100 وقۋشىعا سومكە، وقۋ قۇرال-جابدىقتارى مەن قوسا مەكتەپ فورماسىن تابىستاۋ ءراسىمى ءوتتى.
بۇل سىيلىقتار StartTime.kz پورتالىندا ارىس قالاسىنا كومەك رەتىندە، 400-دەن اسا قازاقستاندىقتان جينالعان 2 ميلليون 700 مىڭ تەڭگە قاراجات ەسەبىنەن جاسالدى. يگى باستامانىڭ باسى-قاسىندا "StartTime" جشس-ءنىڭ ديرەكتورى ازيزا وتەگەنوۆا، تۇركىستان وبلىستىق وتباسى، بالالار جانە جاستار ىستەرى جونىندەگى باسقارماسىنىڭ "جاستار رەسۋرستىق ورتالىعى" ماماندارى جانە ارىس قالاسى ءبىلىم ءبولىمىنىڭ باسشىلىعى بولدى. ايتا كەتەيىك، 26 ماۋسىمنان باستاپ "StartTimە" جشس-ءنىڭ ەرىكتىلەر توبى شىمكەنت قالاسىنداعى ەۆۋاكۋاتسيالىق پۋنكتتەردە كومەك كورسەتتى. وسى كومەكتەن سوڭ، جينالعان 1, 4 ميلليون تەڭگە قاراجاتتى ارىس قالاسىنداعى كوپبالالى وتباسىلاردان شىققان وقۋشىلارعا مەكتەپكە ارنالعان سومكە تاعى باسقا وقۋعا قاجەتتى جابدىقتار الۋعا جۇمساۋ تۋرالى شەشىم قابىلداعان بولاتىن. بۇل شارانىڭ ۇيىمداستىرۋشىسى - تۇركىستان وبلىستىق وتباسى، بالالار جانە جاستار ىستەرى جونىندەگى باسقارماسى مەن "جاستار رەسۋرستىق ورتالىعى".
"ادىرنا" ۇلتتىق پورتالى
