"Bız Aryspen bırgemız" aksiiasy aiasynda Arys qalasy Älıbi Jangeldin atyndaǧy mektepte, Almaty qalasy "StartTime" JŞS-nıŋ bastamasymen "Mektepke daiarlyq" atty 100 oquşyǧa sömke, oqu qūral-jabdyqtary men qosa mektep formasyn tabystau räsımı öttı.
Būl syilyqtar StartTime.kz portalynda Arys qalasyna kömek retınde, 400-den asa qazaqstandyqtan jinalǧan 2 million 700 myŋ teŋge qarajat esebınen jasaldy. İgı bastamanyŋ basy-qasynda "StartTime" JŞS-nıŋ direktory Aziza Ötegenova, Türkıstan oblystyq otbasy, balalar jäne jastar ısterı jönındegı basqarmasynyŋ "Jastar resurstyq ortalyǧy" mamandary jäne Arys qalasy Bılım bölımınıŋ basşylyǧy boldy. Aita keteiık, 26 mausymnan bastap "StartTime" JŞS-nıŋ erıktıler toby Şymkent qalasyndaǧy evuakuasiialyq punktterde kömek körsettı. Osy kömekten soŋ, jinalǧan 1, 4 million teŋge qarajatty Arys qalasyndaǧy köpbalaly otbasylardan şyqqan oquşylarǧa mektepke arnalǧan sömke taǧy basqa oquǧa qajettı jabdyqtar aluǧa jūmsau turaly şeşım qabyldaǧan bolatyn. Būl şaranyŋ ūiymdastyruşysy - Türkıstan oblystyq otbasy, balalar jäne jastar ısterı jönındegı basqarmasy men "Jastar resurstyq ortalyǧy".
"Adyrna" ūlttyq portaly
