اتىراۋ وبلىسىنداعى توتەنشە جاعدايعا بايلانىستى جالعان اقپارات تاراتقان تۇرعىن جاۋاپكەرشىلىككە تارتىلدى، دەپ حابارلايدى "ادىرنا" ءتىلشىسى.
سۋ تاسقىنىندا "جاڭاوزەندە جول جابىلدى" دەپ الاڭداۋشىلىق سيپاتتا اقپارات تاراتقان جاڭاوزەندىك تۇرعىنعا قاتىستى ءىس قوزعالدى. ونىڭ جەلىدەگى اقپاراتى جالعان بولعان.
ماڭعىستاۋ وبلىستىق قوعامدىق كوممۋنيكاتسيا ورتالىعىنىڭ حابارلاۋىنشا، جاڭاوزەن پوليتسەيلەرى كۇدىكتىنى بىردەن انىقتادى. ازامات قر اكىمشىلىك قۇقىق بۇزۋشىلىق تۋرالى كودەكسىنىڭ 456-بابىنىڭ 3-بولىگىنە ساي اكىمشىلىك جاۋاپكەرشىلىككە تارتىپ وتىر.
"قانداي دا ءبىر جالعان اقپارات تاراتقاندار قر قك 274-بابى بويىنشا قىلمىستىق جاۋاپكەرشىلىككە تارتىلاتىنىن ەسكەرتەمىز. ازاماتتاردان تەك رەسمي اقپارات كوزدەرىنە سەنۋدى سۇرايمىز", – دەيدى جاڭاوزەن پوليتسياسى.
ۇقساس جاڭالىقتار
