4 ساۋىردە سەنات توراعاسى ماۋلەن اشىمباەۆ ۆاتيكان مەن يتالياعا جۇمىس ساپارىمەن بارىپ، ريم پاپاسى فرانتسيسكپەن كەزدەستى، دەپ حابارلايدى «ادىرنا» ءتىلشىسى.
پارلامەنت سەناتىنىڭ ءباسپاسوز قىزمەتىنىڭ مالىمەتىنشە، دەپۋتاتتاردان قۇرالعان دەلەگاتسيا دىنارالىق كونفەسسياعا قاتىسىپ، پارلامەنتارالىق ىنتىماقتاستىقتى نىعايتۋ ماسەلەلەرىن تالقىلاعان. ماۋلەن اشىمباەۆ ريم پاپاسى فرانتسيسككە ءىلتيپاتىن ءبىلدىرىپ، الەمدىك جانە ءداستۇرلى دىندەر كوشباسشىلارى سەزىنە جان-جاقتى قولداۋ كورسەتىپ كەلە جاتقانى ءۇشىن ريزاشىلىعىن ءبىلدىردى.
«الەمدىك جانە ءداستۇرلى دىندەر كوشباسشىلارى سەزى قازىرگىدەي وزەكتى سىن-قاتەرلەر جاعدايىندا ءدىن كوشباسشىلارىنىڭ، ساياساتكەرلەردىڭ جانە حالىقارالىق ۇيىمداردىڭ كۇش-جىگەرىن ورتاق مۇددەگە جۇمىلدىرۋدى كوزدەيدى. رۋحاني كوشباسشىلار جەرگىلىكتى جەردە عانا ەمەس، حالىقارالىق دەڭگەيدە دە زور ىقپالعا يە. ولار بىرلەسىپ، كليماتتىڭ وزگەرۋى، تەڭسىزدىك، ەكسترەميزم سياقتى پروبلەمالاردى شەشۋگە، قاقتىعىستار مەن سوعىستاردى توقتاتۋعا ايتارلىقتاي سەپتىگىن تيگىزە الادى. پلانەتامىز بەن كەلەر ۇرپاقتىڭ جارقىن بولاشاعى جولىندا جۇدىرىقتاي جۇمىلۋ ءبىزدىڭ ورتاق ماقساتىمىز ەكەنى انىق»، - دەدى قازاقستان پارلامەنتى سەناتىنىڭ توراعاسى.
ءوز كەزەگىندە ريم پاپاسى فرانتسيسك قازاقستاننىڭ بەيبىتشىلىك پەن ءتۇرلى ءدىن وكىلدەرى اراسىنداعى ىنتىماقتاستىقتى نىعايتۋ جونىندەگى باستاماسىن قولدايتىنىن ايتتى.
