30 ناۋرىز كۇنى اقتوبە وبلىسىنداعى ششەرباكوۆسكايا بوگەتى بۇزىلدى. سالدارىنان جۇرگەنوۆ اۋىلى جارىقسىز، سۋسىز جانە گازسىز قالعان. ون ءۇي قيراپ، 927 ادام ەۆاكۋاتسيالاندى. بۇل تۋرالى Zhasاlash باسىلىمى جاريالادى، دەپ حاباردايدى “ادىرنا” ۇلتتىق پورتالى.
مالىمەتكە سايكەس، قازىر پروكۋرورلار اتالعان ماسەلە بويىنشا قىلمىستىق ءىس قوزعاپ، ماتەريالداردى سىبايلاس جەمقورلىققا قارسى قىزمەت اگەنتتىگىنە جىبەرگەن.
Nege.Aqsha اقپاراتىنشا، 2023 جىلى بوگەتتى جوندەۋگە اقتوبە وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى 216 ملن.تەڭگە بولگەن. جەتكىزۋشى رەتىندە SK Grand Canal تاڭدالدى. كاسىپورىننىڭ قۇرىلتايشىلارى نۇرسۇلتان سابيدوللاەۆ پەن ارنۇر كارىم.
مەملەكەتتىك ساتىپ الۋلار پورتالىنا سۇيەنسەك، دەپارتامەنتتىڭ بۇل جەتكىزۋشىمەن قارجىلىق قارىم-قاتىناسى 2023 جىلى باستالىپ، سول جىلى كۇسەم بوگەتىن جوندەۋگە 279 ميلليون تەڭگەنىڭ العاشقى كەلىسىم-شارتىن العان. جىل ىشىندە كومپانيامەن 1 ميلليارد تەڭگەگە جۋىق كەلىسىم-شارتتار جاسالىپتى.
