30 naýryz kúni Aqtóbe oblysyndaǵy erbakovskaıa bógeti buzyldy. Saldarynan Júrgenov aýyly jaryqsyz, sýsyz jáne gazsyz qalǵan. On úı qırap, 927 adam evakýaııalandy. Bul týraly Zhasalash basylymy jarııalady, dep habardaıdy “Adyrna” ulttyq portaly.
Málimetke sáıkes, qazir Prokýrorlar atalǵan másele boıynsha qylmystyq is qozǵap, materıaldardy sybaılas jemqorlyqqa qarsy qyzmet agenttigine jibergen.
Nege.Aqsha aqparatynsha, 2023 jyly bógetti jóndeýge Aqtóbe oblysynyń tabıǵı resýrstar jáne tabıǵat paıdalanýdy retteý basqarmasy 216 mln.teńge bólgen. Jetkizýshi retinde SK Grand Canal tańdaldy. Kásiporynnyń quryltaıshylary Nursultan Sábıdollaev pen Arnur Kárim.
Memlekettik satyp alýlar portalyna súıensek, departamenttiń bul jetkizýshimen qarjylyq qarym-qatynasy 2023 jyly bastalyp, sol jyly Kúsem bógetin jóndeýge 279 mıllıon teńgeniń alǵashqy kelisim-shartyn alǵan. Jyl ishinde kompanııamen 1 mıllıard teńgege jýyq kelisim-sharttar jasalypty.